लूका 7:21 - नेवाः बाइबल

²¹ अबलय् हे वय्‌कलं तःतामछि ल्‍वय् दुपिं यक्‍व मनूतय्‌त लाय्‌कादिल। अले भूतआत्‍मा दुबिना च्‍वंपिन्‍त नं लाय्‌कादिल। अले हानं यक्‍व कांपिं मनूतय्‌त मिखां खंका बियादिल।

लूका 7:21 ပူးပေါင်းရင်းမြစ်များ

१ राजा 8:37

“थ्‍व देशय् अनिकाल वा महामारी जुइबलय् क्‍वाःगु फसं वा बालीया ल्‍वय् वा क्‍वःबुइँचाया बथानं अन्‍न नाश यानाबीबलय् वा छिकपिनि मनूतय्‌त इमि शत्रुतय्‌सं हमला याइबलय् वा इमिगु दथुइ न्‍ह्यागुं नं विपत्ति वा ल्‍वय् वइबलय्

लेवी 14:48

“पुजाहारीं हाकनं छेँयात स्‍वःवइबलय् लेवं तये धुंकूबलय्‌निसें अशुद्धगु खाःचि खने मदयाच्‍वंसा व छेँयात वं शुद्ध भाःपीमाः। छाय्‌धाःसा आः खाःचि मदये धुंकल।

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

मर्कूस 3:10

यक्‍वसिगु ल्‍वय् लाय्‌का ब्‍यूगुलिं वय्‌कःयात थीत यक्‍व हे उसाँय्‌मदुपिं मनूत घ्‍वात्तुमतुघ्‍वानाः वयेत सनाच्‍वन।

मर्कूस 5:29

थीवं हे हि क्‍वहां वयाच्‍वंगु दित, अले वं थः लंगु सीकाकाल।

मर्कूस 5:34

अले वय्‌कलं धयादिल – “केहेँ मय्‌जु, छं विश्‍वास याःगुलिं छंगु ल्‍वय् लन। आः मनय् शान्‍ति कयाः हुँ, छंगु ल्‍वचं छन्‍त थी हे मथीमा।”

लूका 7:20

इमिसं वय्‌कःयाथाय् वयाः थथे धाल – “बप्‍तिस्‍मा बीम्‍ह यूहन्‍नां जिमित छिथाय् छ्वयाहःगु खः। जिमिसं छिके न्‍यनेमाःगु खँ दु। झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वने मानि?”

हिब्रू 12:6

छाय्‌धाःसा परमप्रभुं माया यानादीम्‍हय्‌सित न्‍वाना नं दी। थःकाय् यानादीपिन्‍त वय्‌कलं सजाँय नं बियादी।”