लूका 6:3 - नेवाः बाइबल

³ अले येशूं लिसः बियादिल – “दाऊदं थः व थःनाप वःपिनि नये पित्‍याःबलय् छु यात धयागु खँ छिमिसं ब्‍वनागु मदु ला?

लूका 6:3 ပူးပေါင်းရင်းမြစ်များ

मत्ती 19:4

वय्‌कलं लिसः बियादिल – “छिमिसं धर्मशास्‍त्रय् थथे च्‍वयातःगु ब्‍वनागु मदु ला? ‘सृष्‍टि यानादीबलय् हे परमेश्‍वरं इमित मिजं मिसा यानाः दय्‌कादीगु खः’ –

मत्ती 21:16

इमिसं वय्‌कःयात धाल – “थ्‍व मस्‍तय्‌सं छु धयाच्‍वन, छिं मताः ला?” वय्‌कलं धयादिल – “जिं न्‍यनाच्‍वनागु दु। छु छिमिसं धर्मशास्‍त्रय् च्‍वयातःगु थ्‍व खँ ब्‍वनागु मदु ला? ‘मस्‍त व ह्याउँमस्‍तय्‌गु म्‍हुतुं थःत तःधंकादिल।’”

मत्ती 21:42

वय्‌कलं हानं धयादिल – “धर्मशास्‍त्रय् च्‍वयातःगु छिकपिन्‍सं ब्‍वनादियागु मदु ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जुल। परमेश्‍वरं हे थथे यानादीगु खः। झीसं स्‍वयेबलय् थ्‍व तसकं अजू चायापु।’”

मत्ती 22:31

“सीपिं म्‍वाना वइगु खँय् परमेश्‍वरं धयादीगु खँ छिकपिन्‍सं ब्‍वनादियागु मदु ला?

मत्ती 4:2

पिइन्‍हु पिइचा तक अपसं च्‍वनादीगुलिं वय्‌कःयात तसकं हे नयेपित्‍यात।

मर्कूस 12:10

थथे च्‍वयातःगु खँ छिमिसं मब्‍वना ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जूवल।

मर्कूस 12:26

“सीपिं म्‍वाना वइ धयागु खँ छु छिमिसं परमेश्‍वरं मोशायात च्‍यानाच्‍वंगु झालं थथे धयादीगु मब्‍वना ला? – ‘जि अब्राहामया, इसहाकया व याकूबया परमेश्‍वर खः।’