लूका 5:8 - नेवाः बाइबल

^8-9 अथे जाः जाय्‌क न्‍या क्‍यंगुलिं सिमोन अले व नाप दुपिं मनूत फुक्‍क अजू चाल, नापं ग्‍या नं ग्‍यात। अय्‌जूगुलिं सिमोन पत्रुसं येशूयागु पालिइ भ्‍वपुयाः थथे धाल – “प्रभु, छि जिथासं झासँ, जि पापीम्‍ह मनू खः।”

लूका 5:8 ပူးပေါင်းရင်းမြစ်များ

२ शमूएल 6:9

उखुन्‍हु दाऊद नं परमप्रभुनापं ग्‍यानाः थथे धाल, “आः जिं परमप्रभुया सनू गुकथं थःनापं हे तयातये फइ?”

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

अय्‍यूब 40:4

“जि थें ज्‍यालगय् मजूम्‍हय्‌सिनं छितः छु लिसः बीगु? जिं थःगु ल्‍हाः थःगु म्‍हुतुइ तये।

प्रस्‍थान 20:19

मोशायात धाल, “छिं हे जिमित धयादिसँ, अले जिमिसं न्‍यने। परमेश्‍वर थः हे जिपिंलिसें खँ ल्‍हानादीसा जिपिं सी।”

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

मत्ती 17:6

थ्‍व सः न्‍यनाः चेलात तसकं ग्‍यानाः बँय् भ्‍वसू वन।

मत्ती 2:11

अन थ्‍यंकाः इपिं छेँय् दुहां वनाः मचायात वया मां मरियमनापं खन। अले इमिसं क्‍वछुनाः वय्‌कःयात भागि यात। अले थथःगु कन्‍तुर चाय्‌काः लुँ, नस्‍वाःगु गुँगू व मूर्र लिकयाः छाल।

मत्ती 8:8

अले वं धाल – “प्रभु, जिगु छेँय् दुहां झायेत छितः मल्‍वः। छिं धया जक दीसां जिम्‍ह च्‍यः लायावनी।

लूका 5:7

अय्‌जूगुलिं इमिसं पासापिन्‍त ग्‍वाहालि याः वा धकाः ल्‍हाःभाय् यानाः सःतल। इपिं वयाः जाः साला काःबलय् निगः नांचा जाय्‌क न्‍या दत। न्‍या यक्‍व दुगुलिं नांचा निगलं लखय् तुना वनी थें च्‍वन।

यूहन्‍ना 11:32

थुकथं मरियम वय्‌कः दीथाय् थ्‍यन, अले वय्‌कःयात खनेवं वय्‌कःयागु पालिइ भ्‍वपुयाः थथे धाल – “प्रभु, छि थन दीगु जूसा जिमि किजा सी मखुगु।”

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।

न्‍यायकर्ता 13:22

वं थः कलाःयात धाल, “आः झीपिं सीगु जुल, छाय्‌धाःसा झीसं परमेश्‍वरयात खनागु दु।”

१ शमूएल 6:20

अले बेथ-शेमेशया मनूतय्‌सं धाल, “परमप्रभु, पवित्र परमेश्‍वरया न्‍ह्यःने सु दने फइ? थ्‍व सनू थनं सुयाथाय् छ्वयेगु?”