लूका 5:5 - नेवाः बाइबल

⁵ अले वं लिसः बिल – “गुरुजु, जिमिसं चच्‍छि जाः ह्वानाः नं छम्‍ह हे न्‍या लाये मफु। छिं धयादीगुलिं हानं छकः जिं जाः ह्वाना स्‍वये।”

लूका 5:5 ပူးပေါင်းရင်းမြစ်များ

इजकिएल 47:10

मृत सागरया सिथ सिथ न्‍या लाइपिं दनाच्‍वनी। एन-गदींनिसें एन-एग्‍लैम तक जाः ह्वलिगु थाय् दइ। अन भूमध्‍यसागरय् थें थीथी कथंयापिं यक्‍व न्‍यात दइ।

लूका 17:13

तःसलं थथे धयाहल – “प्रभु येशू, जिमित दया यानादिसँ।”

लूका 8:24

चेलातय्‌सं वयाः वय्‌कःयात थथे धयाः थन – “गुरुजु, गुरुजु, झीपिं दुबय् जुइन।” वय्‌कलं दनाः ग्‍वःफय्‌यात व लःद्वम्‍बःयात हक्‍काः दिल। अले ग्‍वःफय् नं दित, लः नं मसन।

लूका 8:45

वय्‌कलं धयादिल – “जितः सुनां थिल हं?” सुनानं थिया धकाः मधाः। अले पत्रुसं धाल – “गुरुजु, उलिमछि मनूतय्‌सं छितः घ्‍वात्तु घ्‍वानाच्‍वंगु दु।”

लूका 9:33

इपिं वय्‌कः नाप बाया वनेत्‍यंबलय् लाक्‍क पत्रुसं वय्‌कःयात धाल – “गुरुजु, झीपिं थन हे च्‍वने दत धाःसा गुलि बांलाइ। जिमिसं स्‍वंगू बल्‍चा दय्‌के ला? छगू छितः, छगू मोशायात व मेगु छगू एलियायात।” पत्रुसं व धाये थ्‍व धाये मसियाः अथे धाःगु खः।

लूका 9:49

यूहन्‍नां येशूयात धाल – “गुरुजु, जिमिसं छिगु नामं भूत ख्‍यानाः च्‍वंम्‍ह छम्‍ह मनूयात खना। जिमिसं वयात अथे याये मते धकाः धया, छाय्‌धाःसा व झीपिंलिसे जुयाच्‍वंम्‍ह मखु।”

यूहन्‍ना 15:14

जिगु आज्ञा मानय् याःसा छिपिं धात्‍थें हे जिमि पासापिं खत।

यूहन्‍ना 2:5

अय्‌नं वय्‌कःया मांनं च्‍यःतय्‌त धाल – “वय्‌कलं छु धयादी छिमिसं व हे या।”

यूहन्‍ना 21:3

सिमोन पत्रुसं इमित धाल – “जि न्‍या लाः वनेत्‍यना।” इमिसं वयात धाल – “जिपिं नं छ नाप वये।” अले इपिं वनाः नांचाय् च्‍वन। तर व चान्‍हय् इमिसं छम्‍ह हे न्‍या लाये मफु।