लूका 5:34 - नेवाः बाइबल

³⁴ अले वय्‌कलं धयादिल “छु जन्‍त वःपिं मनूत भ्‍वय् मनसे लिहांवनी ला? जिलाजं जुइम्‍ह दतले इपिं अपसं च्‍वनी ला?

लूका 5:34 ပူးပေါင်းရင်းမြစ်များ

श्रेष्‍ठगीत 5:8

हे यरूशलेमया मिसापिं, जिं छिमित छगू आज्ञा बी, छं जिमि यःम्‍ह प्रिययात नापलात धाःसा छु धायेगु? वयात थथे धयाब्‍यु, जि वयागु मायाय् दुबय् जुयाच्‍वनागु दु।

श्रेष्‍ठगीत 6:1

हे मिसात मध्‍ये तसकं हिसि दुम्‍ह, छिमि प्रिय गन वन? व गन वनाच्‍वंगु दु? वयात मालेत जिमिसं छन्‍त ग्‍वाहालि याये।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

यशैया 62:5

छिमि मस्‍तय्‌सं थःपिन्‍त छन्‍त लःल्‍हाइ, हे यरूशलेम, गथे छम्‍ह ल्‍याय्‌म्‍ह मिजंनं थःत भम्‍चायात लःल्‍हाइ, अले छिमि परमेश्‍वर छंगु निंतिं लय्‌तायादी। गथे ब्‍याहा याःम्‍ह मिजं थः भम्‍चाया निंतिं लय्‌ताइ।

सपन्‍याह 3:17

परमप्रभु छिमि परमेश्‍वर छनापं दु। वय्‌कः वचय् याये फुम्‍ह खः। वय्‌कः छनापं तस्‍सकं लय्‌ता। वय्‌कलं थःगु प्रेमय् छन्‍त शान्‍त याइ। अले छंगु कारणं ततःसलं म्‍ये हालाः वय्‌कः तसक्‍कं लय्‌ताइ।”

मत्ती 22:2

“स्‍वर्गयागु राज्‍य थथे च्‍वं – छकः छम्‍ह जुजुं थः काय्‌यागु ब्‍याहाया भ्‍वय् सःतल।

मत्ती 9:15

वय्‌कलं इमित लिसः बियादिल – “जिलाजं जुइम्‍हनापं दतले जन्‍त वःपिन्‍सं नुगः मछिंकी ला? अय्‌नं छन्‍हु ब्‍याहा याइम्‍ह मनूयात लिगनाः यनीतिनि। अले जक इपिं अपसं च्‍वनी।

लूका 5:33

इमिसं वय्‌कःयात धाल – “यूहन्‍नाया चेलात व फरिसीतय् चेलातय्‌सं बरोबर अपसं च्‍वनेगु व प्रार्थना याः। अय्‌नं छिकपिनि चेलात धाःसा नया त्‍वनाजुइ।”

लूका 5:35

अथेसां छन्‍हु ब्‍याहा याइम्‍ह मनूयात लिगनाः यनीतिनि। अले तिनि इपिं अपसं च्‍वनी।”

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

२ कोरिन्‍थी 11:2

परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।