लूका 5:12 - नेवाः बाइबल

¹² येशू छगू शहरय् झाःबलय् अन छम्‍ह म्‍हछम्‍हं कोह्रि जूम्‍ह मनू नापलात। वं वय्‌कःयात खनाः क्‍वछुनाः बिन्‍ति यात – “प्रभु, छिं यय्‌कादीसा जितः शुद्ध यानादी फु।”

लूका 5:12 ပူးပေါင်းရင်းမြစ်များ

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

लूका 17:16

वं वय्‌कःयागु तुतिइ भ्‍वपुयाः सुभाय् बिल। व लिहां वःम्‍ह सामरी खः।

मत्ती 9:28

वय्‌कः छेँ थ्‍यने धुंकाः इपिं नं वय्‌कःयाथाय् वल। अले वय्‌कलं इमिके न्‍यनादिल – “जिं छिमित लाय्‌काबी फु धकाः छिमित विश्‍वास दु ला?” अले इमिसं लिसः बिल – “दु, प्रभु।”

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

मत्ती 26:6

येशू बेथानियाय् सिमोन कोह्रियागु छेँय् दीबलय्

प्रस्‍थान 4:6

अले हाकनं परमप्रभुं धयादिल, “थःगु ल्‍हाः गाय् दुने दुछ्व।” वं थःगु ल्‍हाः गाय् दुने दुछ्वत। पिकाःबलय् वयागु ल्‍हाः कोह्रि ल्‍वचं कयाः च्‍वापु थें तुइसे च्‍वन।

उत्‍पत्ति 18:14

परमप्रभुया लागि थाकुगु धयागु छु दु? जि दच्‍छि लिपा जिं धयागु इलय् छन्‍थाय् लिहां वये। उबलय् साराया काय् दये धुंकी।”

१ इतिहास 21:16

च्‍वय् स्‍वःबलय् दाऊदं परमप्रभुया स्‍वर्गदूतयात स्‍वर्ग व पृथ्‍वीया दथुइ थःगु नांगा तरवार ज्‍वनाः यरूशलेमयात नाश यायेत तयार जुयाच्‍वंगु खन। अले दाऊद व थकालित भांग्रा फिनाः बँय् भ्‍वसुल।

२ राजा 5:1

नामान अरामया जुजुया सेनापति खः। व थः जुजुया निंतिं छम्‍ह तःधंम्‍ह मनू खः। वं यानाः हे अरामयात परमप्रभुं त्‍याकादीगुलिं अरामया जुजुं वयात तसकं मानय् याइगु। व छम्‍ह बहादुर सिपाइँ खः, तर वयाके छेंगूया पुनेयःगु ल्‍वय् दु।

१ राजा 18:39

थ्‍व खनाः फुक्‍क मनूतय्‌सं बँय् ग्‍वारातुलाः थथे धाल, “परमप्रभु हे परमेश्‍वर खः, परमप्रभु हे परमेश्‍वर खः!”

यहोशू 5:14

व मनुखं धाल, “मखु, जि ला आः परमप्रभुया सेनाया कप्‍तान जुयाः वयागु दु।” अनंलि यहोशूं बँय् भ्‍वसुलाः भागि यात अले वयात न्‍यन, “जिमि प्रभुं, थः दासयात छु धयादी?”

व्‍यवस्‍था 24:8

छेंगूयागु पुनेयःगु ल्‍वय्‌या बारे धाःसा लेवी पुजाहारीतय्‌सं छिमित स्‍यंगु थें छिमिसं बांलाक यायेमाः। जिं इमित बियागु आज्ञा छिमिसं बांलाक मानय् यायेमाः।

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।

मर्कूस 5:23

थथे बिन्‍ति यात – “जिमि चीधिकःम्‍ह म्‍ह्याय् सी थें च्‍वनाच्‍वन। छकः झायाः छिं वयात थिया द्यूसा व लनी, अले म्‍वाइ।”

२ राजा 7:3

सामरियाया ध्‍वाखा पिने प्‍यम्‍ह छेंगूया पुनेयःगु ल्‍वय् दुपिं मनूत दु। इमिसं थवंथः धाल, “झीपिं थन मसीतले छाय् च्‍वनाच्‍वनेगु?

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

लेवी 13:16

तर व न्‍हूगु घाः तुयुसे च्‍वन धाःसा व मनू पुजाहारीयाथाय् वनेमाः।

लूका 5:13

अले वय्‌कलं वयात ल्‍हातं थियाः थथे धयादिल – “ज्‍यू, छ शुद्ध जुइमा।” थुलि धायेवं हे वयागु कोह्रि ल्‍वय् लाया वन।