लूका 5:1 - नेवाः बाइबल

¹ छन्‍हु येशू गनेसरेत धाःगु समुद्र सिथय् दना च्‍वनादीबलय् ग्‍वाः ग्‍वाः मनूत धित्तुधिनाः परमेश्‍वरयागु वचन न्‍यनेत वय्‌कःयाथाय् वल।

लूका 5:1 ပူးပေါင်းရင်းမြစ်များ

गन्‍ती 34:11

अनं क्‍वहां वनाः ऐनया पुर्बय् लाःगु रिब्‍ला तक थ्‍यनी। अनं गालीलया समुद्रया पुर्बया सिथय् च्‍वंगु डाँडाय् क्‍वहां वनी।

मत्ती 11:12

बप्‍तिस्‍मा बीम्‍ह यूहन्‍नां भिंगु खँ न्‍यंकूसांनिसें स्‍वर्गयागु राज्‍यय् दुहां वनेत मनूतय्‌सं धित्तुधिनाः जुल। थुकथं इमि दथुइ धेंधेंबल्‍लाः जुल।

मत्ती 14:34

पारिइ थ्‍यंकाः इमिसं गनेसरेत धाःगु थासय् नांचा दिकल।

मर्कूस 3:9

वय्‌कलं थः चेलातय्‌त धयादिल – “जितः चिचाधंगु नांचा छगू हति, मखुसा ला मनूतय्‌गु हुलं जितः काकातइ।”

मर्कूस 4:1

येशूं समुद्र सिथय् च्‍वनाः मनूतय्‌त स्‍यनेकने यानादिल। मनूत ग्‍वाः ग्‍वाः वःगुलिं वय्‌कः नांचाय् थाहां झाल, मनूत जक समुद्र सिथय् तुं च्‍वनाच्‍वन।

मर्कूस 5:24

वय्‌कः व नाप झायादिल। यक्‍व हे मनूत घ्‍वात्तुघ्‍वानाः वय्‌कःया ल्‍यूल्‍यू वन।

मर्कूस 6:53

पारिइ थ्‍यंकाः इमिसं गनेसरेत धाःगु थासय् नांचा दिकल।

लूका 12:1

अबलय् अन द्वलंद्वः मनूत कात्तुकाक्‍क मुं वयाच्‍वन। वय्‌कलं चेलातय्‌त धयादिल – “बांलाक होश या। निपाः ख्‍वाःपाः दुपिं फरिसीतय्‌गु सोडापाखें बचय् जुयाच्‍वँ।

लूका 5:2

वय्‌कलं समुद्र सिथय् निगः नांचा दिका तःगु खन। नांथुवाःत नांचा त्‍वःताः जाः सिलाच्‍वन।

लूका 8:22

छन्‍हु येशू चेलात नाप नांचाय् च्‍वनादिल। अले इमित धयादिल – “झीपिं समुद्रया पारिइ वनेनु।” अले इमिसं नांचा न्‍ह्याकल।

लूका 8:23

वँवं हे वय्‌कः न्‍ह्यः वय्‌कादिल। थुबलय् हे समुद्रय् तसकं ग्‍वःफय् वल। अले नांचाय् लः जाया वयाः इपिं दुबय् जुइन।

लूका 8:33

अले भूत आत्‍मात व मनूया म्‍हं पिहां वयाः फातय्‌के दुबित। अले फात फुक्‍कं ब्‍वाँय् वनाः भीरं क्‍वब्‍वां वनाः समुद्रय् दुबय् जुयाः सित।

लूका 8:45

वय्‌कलं धयादिल – “जितः सुनां थिल हं?” सुनानं थिया धकाः मधाः। अले पत्रुसं धाल – “गुरुजु, उलिमछि मनूतय्‌सं छितः घ्‍वात्तु घ्‍वानाच्‍वंगु दु।”

यूहन्‍ना 1:40

यूहन्‍नां धाःगु खँ न्‍यनाः येशू नाप वंपिं मध्‍ये छम्‍ह मनू सिमोन पत्रुसया दाजु अन्‍द्रियास खः।

यूहन्‍ना 6:1

अनंलि येशू गालील समुद्र पारिइ झाल। थुकियात तिबेरियास समुद्र नं धाः।

व्‍यवस्‍था 3:17

उकियागु पच्‍छिमी सिमाना उत्तरय् किन्‍नरेत समुद्रंनिसें दच्‍छिनय् पिसगाया पाःचा क्‍वय् च्‍वंगु खारा समुद्र तक यर्दन खुसि खः।

हिब्रू 13:7

छिमित परमेश्‍वरयागु वचन स्‍यनीपिं गुरुतय्‌त लुमंकी। इपिं गुकथं म्‍वानाच्‍वन, व स्‍वयाः छिमिसं नं इमिसं थें हे विश्‍वास यायेगु या।

यहोशू 12:3

वं अराबाया पुर्बय् गालील समुद्रंनिसें दच्‍छिनय् मृत-सागर तक, अले च्‍वय् बेथ-यशीमोतपाखे व दच्‍छिनय् पिसगाया क्‍वय्‌यागु पाःचा तक नं राज्‍य याइगु खः।

यहोशू 13:27

अले ब्‍यासिया बेथ-हाराम, बेथ-निम्रा, सुक्‍कोत व सापोननापं हे हेश्‍बोनया जुजु सीहोनं न्‍हापा राज्‍य याःगु देश तक। इमिगु पच्‍छिमी सिमाना यर्दन खुसि, गालील समुद्रया दच्‍छिनया सिथ तक खः।