लूका 4:5 - नेवाः बाइबल

⁵ अले हानं शैतानं वय्‌कःयात पहाडय् च्‍वय् यंकाः संसारयागु फुक्‍क राज्‍य क्‍यन,

लूका 4:5 ပူးပေါင်းရင်းမြစ်များ

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

मत्ती 24:14

परमेश्‍वरयागु राज्‍ययागु भिंगु खँ संसारय् न्‍यंकभनं न्‍यंके धुंकाः थ्‍व संसार नाश जुयावनी।”

मत्ती 4:8

अनंलि शैतानं वय्‌कःयात तःजाःगु पहाडय् यंकाः संसारयागु बाबांलाःगु फुक्‍क राज्‍य व उमिगु वैभव क्‍यन।

१ कोरिन्‍थी 15:52

दकलय् लिपा तुरही पुया हयेवं मिखाफुति याये मलावं सीपिं हानं म्‍वाना वइ, अले गुब्‍सं सी माली मखुत। अले झीपिं म्‍वानाच्‍वंपिं नं हिलावनी।

१ कोरिन्‍थी 7:31

संसारयागु ज्‍याखँ याना च्‍वंपिन्‍सं याना मच्‍वंपिं थें जुयाच्‍वँ, छाय्‌धाःसा थ्‍व संसार याकनं हे मदयावनी।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 6:12

झीगु ल्‍वापु मनूतलिसे मखु। बरु आकाशय् च्‍वंगु दुष्‍ट आत्‍माया शक्ति, थ्‍व खिउँगु संसारया शक्ति अले थ्‍व संसारया शासकत व अधिकार दुपिनिगु फौज लिसे खः।