लूका 4:41 - नेवाः बाइबल

⁴¹ तःम्‍ह मछि मनूतय्‌गु म्‍हं नं भूतत थथे धकाः हालाः पिहां वन – “छि परमेश्‍वरया काय् खः।” वय्‌कलं इमित हक्‍काः न्‍ववाके बियामदी, छाय्‌धाःसा इमिसं वय्‌कः मुक्ति बीम्‍ह ख्रीष्‍ट खः धकाः स्‍यू।

लूका 4:41 ပူးပေါင်းရင်းမြစ်များ

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

मत्ती 4:3

अबलय् हे शैतानं वयाः वय्‌कःयात थथे धाल – “छि परमेश्‍वरया काय् खःसा थ्‍व ल्‍वहंयात मरि जुइमा धकाः धयादिसँ।”

मत्ती 8:16

बहनी जूबलय् मनूतय्‌सं भूत दुबिना च्‍वंपिं तःम्‍हय्‌सित हे वय्‌कःयाथाय् हल। म्‍हुतुं जक नवानाः येशूं भूत दुबिना च्‍वंपिन्‍त लाय्‌कादिल, अले हानं म्‍हंमफुपिन्‍त नं लाय्‌कादिल।

मत्ती 8:29

वय्‌कःयात खनेवं हे इपिं थथे धकाः चिल्‍लाय् दनाः हाल – “हे परमेश्‍वरया काय्, छि जिमिथाय् छाय् झायागु? मत्‍यवं हे जिमित सजाँय बीत झायागु ला?”

मत्ती 8:4

अले वय्‌कलं वयात धयादिल – “न्‍यँ, थ्‍व खँ सुयातं कने मते। पुजाहारीतय्‌थाय् वनाः छं थःगु ल्‍वय् लाःगु क्‍यँ। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी या।”

मर्कूस 1:25

वय्‌कलं वयात थथे धकाः ब्‍वःबियादिल – “सुम्‍क च्‍वँ। वयागु म्‍हं पिहां वा।”

मर्कूस 1:32

बहनी निभाः बीधुंकाः अन च्‍वंपिन्‍सं उसाँय् मदुपिन्‍त व भूत दुब्‍यूपिन्‍त वय्‌कःयाथाय् हल।

मर्कूस 1:34

वय्‌कलं तसकं म्‍हंमफय्‌का च्‍वंपिन्‍त व तःतामछि ल्‍वय् दुपिन्‍त लाय्‌कादिल। वय्‌कलं यक्‍व भूततय्‌त पितिनादिल। भूततय्‌सं वय्‌कःयात म्‍हस्‍यूगुलिं वय्‌कलं इमित नवाके मब्‍यू।

मर्कूस 3:11

भूतआत्‍मां वय्‌कःयात खनेवं वय्‌कःया न्‍ह्यःने क्‍वपुसां पुयाः थथे धकाः हाल – “छि परमेश्‍वरया काय् खः।”

लूका 4:39

व मिसाया न्‍ह्यःने झायाः वय्‌कलं ज्‍वरयात हक्‍काः दिल। उघ्रिमय् वयात ज्‍वरं त्‍वःतल। अले व दना वनाः वय्‌कःपिन्‍त नके त्‍वंके याः जुल।

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

याकूब 2:19

परमेश्‍वर छम्‍ह हे जक दु धकाः छं विश्‍वास याना च्‍वंसा, बां हे लात। भूतआत्‍मां नं थथे वय्‌कः छम्‍ह हे जक दु धकाः विश्‍वास याः, अले वय्‌कः खनाः ग्‍याः।