लूका 4:2 - नेवाः बाइबल

² शैतानं पिइन्‍हु तक वय्‌कःयागु मन स्‍वयाच्‍वन। अबलय् वय्‌कलं छुं हे नयामदी। थथे जुइ धुंकाः वय्‌कःयात नयेपित्‍यात।

लूका 4:2 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

१ राजा 19:8

वं दनाः नल, त्‍वन, व हे नसां बल दयाः पिइन्‍हु तक चान्‍हि न्‍यासि वँवं व परमेश्‍वरया पर्वत होरेबय् थ्‍यंकः वन।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

प्रस्‍थान 24:18

अले मोशा सुपाँय्‌या दथुं पर्वतया च्‍वकाय् थहां वन। व अन पिइन्‍हु व पिइचा तक च्‍वन।

प्रस्‍थान 34:28

मोशा अन परमप्रभुनापं पिइन्‍हु पिइचा तक छुं हे नयेत्‍वने मयासें च्‍वन। वं उपिं ल्‍वहँपतिइ बाचाया झिगू उजं च्‍वल।

योना 3:7

अले वं थथे धकाः नाय्‌खिं च्‍वय्‌केबिल, “जुजु व वया भारदारतय्‌गु आज्ञा दु – सुं नं मनुखं अले सा द्वहं, फैतय्‌सं छुं नं नयेत्‍वने मयायेमा।

मत्ती 21:18

कन्‍हय् खुन्‍हु सुथ न्‍हापां शहरय् लिहां झाया च्‍वंबलय् वय्‌कःयात नयेपित्‍यात।

मत्ती 4:2

पिइन्‍हु पिइचा तक अपसं च्‍वनादीगुलिं वय्‌कःयात तसकं हे नयेपित्‍यात।

लूका 4:3

अले शैतानं थथे धाल – “छि परमेश्‍वरया काय् खःसा थ्‍व ल्‍वहंयात मरि जुइमा धकाः धयादिसँ।”

यूहन्‍ना 4:6

अन याकूबं दय्‌कातःगु तुं छगः दु। त्‍यानुसे च्‍वंगुलिं येशू तुंया क्‍वय् फ्‍यतुनादिल। थुबलय् बान्‍हि जाल।

व्‍यवस्‍था 9:18

छिमिसं परमप्रभुया मिखाय् पाप ज्‍या यानाः वय्‌कःयात तंचाय्‌कूगुलिं जि न्‍हापा थें पिइन्‍हु व पिइचा तक परमप्रभुया न्‍ह्यःने भ्‍वसुलाच्‍वना। जिं मरि मनया लः नं मत्‍वना।

व्‍यवस्‍था 9:25

परमप्रभुं छिमित नाश याये धकाः धयादीगुलिं परमप्रभुया न्‍ह्यःने जि पिइन्‍हु व पिइचा तक भ्‍वसुलाच्‍वना।

व्‍यवस्‍था 9:9

परमप्रभुं छिपिंलिसें चिनादीगु बाचाया ल्‍वहं पौ कायेत जि पहाडय् थाहां वना। अले पिइन्‍हु व पिइचा जि व पहाडय् च्‍वना। जिं मरि नं मनया लः नं मत्‍वना।

हिब्रू 2:18

वय्‌कः थःम्‍हं नं जाँचय् लानादीबलय् यक्‍व दुःखकष्‍ट सियादीगुलिं जाँचय् लाःपिन्‍त नं ग्‍वाहालि यानादी फु।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

१ शमूएल 17:16

पिइन्‍हु तक सुथय् बहनी गोल्‍यत थःनापं ल्‍वायेत ख्‍याच्‍वः ब्‍युब्‍युं इस्राएलीतय् न्‍ह्यःने दं वयाच्‍वन।