6 अले तिनि दक्व मनूतय्सं परमेश्वरयागु मुक्ति खनी।’”
अनंलि परमप्रभुया महिमा खने दइ, संसारया फुक्क मनूतय्सं छक्वलं व खनी, छाय्धाःसा परमप्रभुया म्हुतुं हे थथे धयादीगु खः।”
वय्कलं थथे धयादी, “याकूबया मनूतय्त हाकनं थापं यायेत व इस्राएलयापिं ल्यंदुपिं फुक्क लित हयेत छ जिमि दास जुइगु खँ चिचाधंगु खँ खः ला? पृथ्वीयागु कुन्चाय् कुन्चाय् तक जिं जिगु उद्धार थ्यनेमा धकाः यहूदीमखुपिनिगु निंतिं जिं छन्त जः नं दय्काबी।”
फुक्क जातितय्त परमप्रभुं थःगु पवित्र ल्हाःया शक्ति क्यनादीगु दु। पृथ्वीया कुंकुलामय् च्वंपिन्सं नं झी परमेश्वरया उद्धार खनी।
अले इमित धयादिल – “सारा संसारय् वनाः छिमिसं फुक्क मनूतय्त भिंगु खँ न्यंकि।
वय्कःयात विश्वास याइपिन्त यहूदीत व यहूदीमखुपिं धकाः पाकी मखु, छाय्धाःसा वय्कः सकसियां प्रभु खः। अले थ्व हे प्रभुं वय्कःयागु नां काक्वसित यक्व आशिष बियादी।
अय्नं जिं न्ह्यसः याये – छु इमित त्वहः तयेगु लँ दु ला? छु इमिसं गुबलें हे मन्यंनि ला? “धात्थें धायेगु खःसा इमिगु सुचं संसार न्यंक न्यनाच्वंगु दु। अले संसारया कुंकुलामय् थ्यंक ताये दयाच्वंगु दु।”
