लूका 3:2 - नेवाः बाइबल

² अबलय् हन्‍नास व कैयाफा दकलय् तःधंपिं पुजाहारीत जुयाच्‍वंगु खः। उबलय् हे मरुभूमिइ च्‍वनाच्‍वंम्‍ह जकरियाया काय् यूहन्‍नायात परमेश्‍वरं न्‍यंकः वनेत उजं बियादिल।

लूका 3:2 ပူးပေါင်းရင်းမြစ်များ

यशैया 40:3

सुं छम्‍हय्‌सिनं थथे धकाः हाला हःगु सः ताये दइ, “मरुभूमिइ परमप्रभुयात लँ ब्‍यु, झिजांमिजां दंगु थासय् झी परमेश्‍वरयात लँ छिंकाब्‍यु।

यर्मिया 1:2

अमोनया काय् यहूदायाम्‍ह जुजु योशियाहं राज्‍य यानाच्‍वंगु झिंस्‍वंगूगु दँ दुबलय् परमप्रभुया वचन वयाथाय् वःगु खः।

यर्मिया 2:1

परमप्रभुयागु थ्‍व वचन जिथाय् वल,

इजकिएल 1:3

बेबिलोन देशया कबार खुसिया सिथय् परमप्रभुया वचन बूजीया काय् इजकिएल पुजाहारीयाथाय् वल। अन परमप्रभुयागु शक्ति वयाके खनेदत।

योना 1:1

परमप्रभुं अमित्तैया काय् योनायात धयादिल –

मीका 1:1

यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।

सपन्‍याह 1:1

यहूदाया जुजु योशियाहं राज्‍य याना च्‍वंबले परमप्रभुयागु थ्‍व वचन सपन्‍याहयाके वल। सपन्‍याह हिजकियाया उइ, अमर्याहया छुइ, गदल्‍याहया छय् व कूशीया काय् खः।

मत्ती 11:7

यूहन्‍नाया चेलात लिहां वने धुंकाः वय्‌कलं यूहन्‍नायागु खँय् थथे धयादिल – “मरुभूमिइ वनाः छिमिसं छु स्‍वया? फसं संका च्‍वंगु तिंकथि स्‍वःवनागु ला?

मत्ती 26:3

उबलय् हे तःधंपिं पुजाहारीत व थकालिपिं कैयाफा धाःम्‍ह दकलय् तःधंम्‍ह पुजाहारीया छेँय् मुन।

मर्कूस 1:2

यशैया अगमवक्तां थथे च्‍वयातःगु दु – “परमेश्‍वरं धयादिल – ‘स्‍व, जिं जिम्‍ह दूतयात छंगु न्‍ह्यः न्‍ह्यः छ्वयाबी। वं हे छंगु निंतिं लँ दय्‌काबी।’

लूका 1:80

व मचा आत्‍मा व म्‍ह निताय् नं बल्‍लानाः तःधिकः जुयावल। इस्राएलीतय्‌थाय् वनाः न्‍यंकेगु ज्‍या मयातले व मरुभूमिइ हे च्‍वनाच्‍वन।

यूहन्‍ना 1:23

अले वं धाल – “यशैया अगमवक्तां धाःथें जि परमप्रभुया निंतिं लँ छिंकाब्‍यु धकाः मरुभूमिइ हाला जुइम्‍हय्‌सिया सः खः।”

यूहन्‍ना 18:24

अले हन्‍नासं वय्‌कःयात चीकाः दकलय् तःधंम्‍ह पुजाहारी कैयाफायाथाय् तुं छ्वयाबिल।

प्रेरित 4:6

अन दकलय् तःधंम्‍ह पुजाहारी हन्‍नास, वया थःथितिपिं कैयाफा, यूहन्‍ना, अलेक्‍जेन्‍डर व मेमेपिं दकलय् तःधंम्‍ह पुजाहारीया परिवार नं दु।