6 इपिं अन दुबलय् हे वयात मचाबुइगु ब्यथा जुल।
परमप्रभुया ग्वसाः धाःसा सदां दयाच्वनी। वय्कःया बिचाः गुबलें नं हिली मखु।
मनूतय्गु नुगलय् थीथी कथंया ग्वसाः दयाच्वनी। तर परमप्रभुया ग्वसाः हे जक पूवनी।
“तर, हे बेथलेहेम एप्राता, छ यहूदाया कुलत मध्ये दकलय् चिधंगु जूसां जिगु लागिं छंकेनं छम्ह मिजं पिहां वइ गुम्हय्सिनं इस्राएलयात शासन याइ, गुम्हय्सिगु शुरु पुलांगु इलंनिसें हे, अर्थात दकलय् न्हापाया इलंनिसें हे दु।”
एलीशिबाया मचाबुइगु ब्यथा जुल। वं छम्ह काय्मचा बुइकल।
वं थःलिसे ब्याहा यायेत क्वःछिना तये धुंकूम्ह मरियमयात नं ब्वनायंकल। वया प्वाथय् दु।
वं दकलय् न्हापांम्ह काय् बुइकल। च्वनेत गनं हे थाय् मदुगुलिं इमिसं मचायात इचां भुनाः फैतय्त नकिगु थलय् थ्यनातल।
