लूका 2:34 - नेवाः बाइबल

³⁴ अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

लूका 2:34 ပူးပေါင်းရင်းမြစ်များ

उत्‍पत्ति 14:19

वं अब्रामयात थुकथं आशिष बिल, “जिं स्‍वर्ग व पृथ्‍वी दय्‌कादीम्‍ह दक्‍वसिबय् तःधंम्‍ह परमेश्‍वरया नामं छन्‍त आशिष बी।

उत्‍पत्ति 47:7

अले योसेफं थः बौ याकूबयात फारोया न्‍ह्यःने हल। याकूबं फारोयात आशीर्वाद बिल।

प्रस्‍थान 39:43

परमप्रभुं बियादीगु उजंकथं फुक्‍क ज्‍या जूगु खनाः मोशां इपिं सकसित सुवाः बिल।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

मत्ती 11:19

मनूया काय्‌नं नयेत्‍वने याना जुल। इमिसं वयात – ‘नगुलु, अय्‌लाःगुलुत व कर काइपिनि व पापीतय् पासा’ धकाः धयाजुल। इमिगु बुद्धि ला इमिगु ज्‍यां हे क्‍यं।”

मत्ती 12:46

येशूं थथे धयाच्‍वनादीबलय् हे वय्‌कःया मां व किजापिं वय्‌कः नाप खँ ल्‍हायेत पिने प्‍यू वयाच्‍वन।

मत्ती 21:44

व ल्‍वहँतय् दःपिं कुचा कुचा दली। अले व ल्‍वहं कुतुं वयाः सुयात लाइ, व धू जुइ।”

मत्ती 27:63

थथे धाल – “हजुर, व ध्‍वंलाइम्‍हं म्‍वानाच्‍वंबलय् – ‘सिनाः स्‍वन्‍हु दय्‌काः हानं म्‍वाना वये’ धकाः धाःगु जिमि अज्‍ज लुमंनि।

लूका 2:35

थुकिं यक्‍व मनूतय्‌गु नुगःया बिचाः पिहां वइ। अले च्‍वामुगु तरवारं थें दुःखं छंगु नुगलय् झ्‍वाबी।”

यूहन्‍ना 3:20

दुष्‍ट ज्‍याखँ यानाजुइपिं मनूतय्‌सं जःयात हेला याइ, अले जलय् वइ मखु। जलय् वल कि इमिसं याना जूगु दुष्‍ट ज्‍याखँ खने दइ धकाः इपिं ग्‍याः।

यूहन्‍ना 5:18

वय्‌कलं थथे धयादीगुलिं इमिसं वय्‌कःयात स्‍यायेत झन अप्‍वः कुतः यात। छाय्‌धाःसा वय्‌कलं विश्रामबार मानय् मयाःगु जक मखु, अज्‍ज परमेश्‍वर नाप हे थःत ज्‍वलिंज्‍वः यानाः परमेश्‍वरयात वय्‌कःया बाः खः धकाः धयादिल।

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 17:6

इमित लुइके मफुगुलिं यासोन व सुं मेपिं दाजुकिजापिन्‍त हे शहरयापिं हाकिमतय्‌थाय् साला यंकाः थथे धाल – “संसारयात फाता पुइकेत स्‍वइपिं मनूत थुखे नं वये धुंकल।

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

प्रेरित 4:26

छाय् परमप्रभु व वय्‌कःया अभिषेक जूम्‍हय्‌सिगु विरोधय् पृथ्‍वीया जुजुत दं वइ, अले शासकत जानाः जाः ग्‍वयाजुइ?’”

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।

रोमी 9:32

थथे जूगु छाय् लय्? विश्‍वास यानाः धर्मी जुइत मस्‍वसे धर्मकर्म जक यानाः धर्मी जुइत स्‍वःगुलिं इपिं थथे जूगु खः। लुफिं हाइगु ल्‍वहँतय् इपिं लुफिं हा हे हात।

१ कोरिन्‍थी 1:23

जिमिसं धाःसा क्रूसय् सीम्‍ह ख्रीष्‍टयागु खँ न्‍यंका जुया। यहूदीतय्‌गु निंतिं थ्‍व पंगः जुल, अले ग्रीकतय्‌गु निंतिं थ्‍व मूर्ख खँ जुल।

हिब्रू 7:1

थ्‍व मल्‍कीसेदेक शालेमयाम्‍ह जुजु, अले दकलय् तःधंम्‍ह परमेश्‍वरया पुजाहारी खः। लडाइँलय् जुजुपिन्‍त त्‍याकाः लिहां वयाच्‍वंम्‍ह अब्राहामयात नाप लानाः मल्‍कीसेदेकं आशिष बिल।

हिब्रू 7:7

तःधंम्‍हय्‌सिनं चिधंम्‍हय्‌सित आशिष बी धकाः ला सि हे स्‍यू।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।

१ शमूएल 2:20

एलीं एल्‍काना व वया कलाःयात सुवाः बियाः थथे धाइगु, “छिमिसं परमप्रभुयाके फ्‍वंम्‍ह थ्‍व काय्‌या पलेसा परमप्रभुं छिमित थ्‍व मिसापाखें मचाखाचात बीमाः।” अले इपिं थःगु छेँ लिहां वनीगु जुयाच्‍वन।