लूका 2:2 - नेवाः बाइबल

² सिरियाय् कुरेनियस धाःम्‍ह बडा-हाकिम जुयाच्‍वंबलय् न्‍हापां जनगणना काःगु थ्‍व हे खः।

लूका 2:2 ပူးပေါင်းရင်းမြစ်များ

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

लूका 2:1

अबलय् लाक्‍क रोमी महाराजा कैसर अगस्‍टसं संसारय् न्‍यंक जनगणना का धकाः उजं बिल।

लूका 2:3

अय्‌जूगुलिं फुक्‍क मनूत इमि थथःगु गामय् व शहरय् वनाः नां च्‍वकः वन।

लूका 3:1

रोमयाम्‍ह महाराजा तिबेरिअसं राज्‍य यानाच्‍वंगु झिंन्‍यादँ दुबलय् पन्‍तियस पिलातस यहूदियायाम्‍ह शासक जुयाच्‍वंगु खः। अले हेरोद गालीलयाम्‍ह शासक जुयाच्‍वंगु खः। अथे हे इतुरिया व त्राखोनितिसय् हेरोदया किजा फिलिप व अबिलेनय् लुसानियास शासक जुयाच्‍वंगु खः।

प्रेरित 13:7

व छम्‍ह बुद्धि दुम्‍ह सर्गियस पौलुस धाःम्‍ह तःधंम्‍ह हाकिमयागु छेँय् च्‍वनीम्‍ह खः। व तःधंम्‍ह हाकिमं परमेश्‍वरयागु भिंगु खँ न्‍यने मास्‍ति वय्‌काः बारनाबास व शाऊलयात सःतल।

प्रेरित 18:12

गलियोन अखैयायाम्‍ह तःधंम्‍ह शासक जुयाच्‍वंबलय् छन्‍हु यहूदीतय् नायःतय्‌सं मुनाः पावलयात ज्‍वनाः अदालतय् हयाः थथे धाल –

प्रेरित 23:26

“हनेमाःम्‍ह तःधंम्‍ह हाकिम फेलिक्‍सजु, क्‍लौडियस लुसियसपाखें ज्‍वजलपा।

प्रेरित 26:30

अले जुजु, बडा-हाकिम, बरनिकी व अन च्‍वंपिं सकलें दन।

प्रेरित 5:37

वयां लिपा मनूतय्‌गु ल्‍याःचाः काःगु इलय् गालीलयाम्‍ह यहूदा धाःम्‍हं नं अथे हे यानाः थःगु ल्‍यूल्‍यू मनू तया जुल। वयात नं स्‍यानाबिल। अले वया मनूत उखेलाः थुखेलाः मदयावन।