लूका 2:13 - नेवाः बाइबल

¹³ अबलय् लाक्‍क हे छक्‍कलं मेपिं स्‍वर्गदूततय्‌गु छपुचः खनेदत। इपिं फुक्‍कसिनं थथे धकाः म्‍ये हालाः परमेश्‍वरयागु जयजय यात –

लूका 2:13 ပူးပေါင်းရင်းမြစ်များ

प्रकाश 5:11

जिं हानं स्‍वयाबलय् लखंलख व करोडौं करोड स्‍वर्गदूततय्‌सं सिंहासन, जीवात्‍मा व थकालिपिनिगु चाकःछिं दनाः

१ राजा 22:19

मीकायां हानं धाल, “उकिं परमप्रभुया थ्‍व वचन न्‍यनादिसँ– जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

भजनसंग्रहया सफू 148:2

हे वय्‌कःया स्‍वर्गदूतत, वय्‌कःया प्रशंसा या! हे स्‍वर्गया सेना, वय्‌कःया प्रशंसा या!

हिब्रू 1:14

अय्‌सा स्‍वर्गदूतत धयापिं सु खः लय्? इपिं परमेश्‍वरयात सेवा याइपिं आत्‍मात खः। अले मुक्ति काइपिं मनूतय्‌त ग्‍वाहालि यायेत छ्वयाहःपिं खः।

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

अय्‍यूब 38:7

उगु दिंया सुथ न्‍हापांया नगुतय्‌सं मिलय् जुयाः म्‍ये हाल। अले स्‍वर्गदूतत लय्‌तायाः दनाः तस्‍सलं हाल।

भजनसंग्रहया सफू 68:17

परमेश्‍वर थःगु बबल्‍लाःगु द्वलंद्वः रथया दथुइ च्‍वनाः परमेश्‍वर सीनै पहाडं पवित्र थासय् झाइ।

एफिसी 3:10

आः ला मण्‍डलीपाखें आकाशय् राज्‍य याइपिं व अधिकार दुपिन्‍त परमेश्‍वरयागु तःधंगु ज्ञान सीके बीत थथे थ्‍व गुप्‍ति खँ उलादीगु खः।

उत्‍पत्ति 28:12

वं म्‍हगसय् स्‍वर्ग पृथ्‍वी छस्‍वागु छपु स्‍वाहानेय् परमेश्‍वरया दूतत थाहां क्‍वहां जुयाच्‍वंगु खन।

इजकिएल 3:12

अले आत्‍मां जितः च्‍वय् थकयादिल। जिं थःगु ल्‍युने छगू घुनुनुनु मिंगु सः ताल, “स्‍वर्गय् परमप्रभु परमेश्‍वरया महिमा प्रशंसा जुइमा!”

१ पत्रुस 1:12

अले परमेश्‍वरं व अगमवक्तातय्‌त थ्‍व खँ इमिगु निंतिं जुइ मखु, लिपा छिमिगु निंतिं जुइ धकाः धयादिल। स्‍वर्गं छ्वयाहःगु पवित्र आत्‍मापाखें भिंगु खँ न्‍यंकीपिन्‍सं छिमित आः न्‍यंकाच्‍वंगु खँयात स्‍वर्गदूततय्‌सं आः तकं थुइकेत स्‍वयाच्‍वंगु दु।

लूका 2:12

मचायात म्‍हसीकेगु चिं थ्‍व खः – वय्‌कःयात इचां भुनाः फैतय्‌त नकिगु थलय् थ्‍यनातःगु दु।”

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।