लूका 2:12 - नेवाः बाइबल

¹² मचायात म्‍हसीकेगु चिं थ्‍व खः – वय्‌कःयात इचां भुनाः फैतय्‌त नकिगु थलय् थ्‍यनातःगु दु।”

लूका 2:12 ပူးပေါင်းရင်းမြစ်များ

२ राजा 19:29

“अले यशैयां थथे धाल, हे हिजकिया, छंगु निंतिं थ्‍व चिं जुइ– “थ्‍व दँय् छिमिसं थथःम्‍हं बुयावःगु नइ। अले निगूगु दँय् थुकिं हे सयावःगु नइ। अले स्‍वंगूगु दँय् छिमिसं पुसा ह्व, बाली ल, अले दाखमा पिनाः उकी सयावःगु फल न।

२ राजा 20:8

हिजकियां यशैयायात न्‍यंगु खः, “जितः परमप्रभुं लाय्‌कादी अले कंस जि परमप्रभुया देगलय् वने फइ धइगुया चिं छु जुइ?”

भजनसंग्रहया सफू 22:6

जि ला छम्‍ह की जक खः, मनू मखु, सकसिनं क्‍वह्यंकाः व हेपंख्‍याकाच्‍वने माःम्‍ह!

प्रस्‍थान 3:12

परमेश्‍वरं धयादिल, “जि छनापं दइ। अले जिं हे छन्‍त छ्वयागु खः धयागु खँया चिं थ्‍व जुइ, छं थः मनूतय्‌त मिश्रं पित हये धुंकाः छिमिसं थ्‍व हे पर्वतय् परमेश्‍वरयात आराधना याइ।”

यशैया 7:11

“छिमि परमप्रभु परमेश्‍वरपाखें छगू चिं फ्‍वँ। व चिं चाहे पातालया तःगाःगु थाय्‌पाखेंया जुइमा चाहे च्‍वय् स्‍वर्ग पाखेंया जुइमा।”

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

लूका 2:13

अबलय् लाक्‍क हे छक्‍कलं मेपिं स्‍वर्गदूततय्‌गु छपुचः खनेदत। इपिं फुक्‍कसिनं थथे धकाः म्‍ये हालाः परमेश्‍वरयागु जयजय यात –

लूका 2:7

वं दकलय् न्‍हापांम्‍ह काय् बुइकल। च्‍वनेत गनं हे थाय् मदुगुलिं इमिसं मचायात इचां भुनाः फैतय्‌त नकिगु थलय् थ्‍यनातल।

१ शमूएल 2:34

“‘छं निम्‍ह काय् होप्‍नी व पीनहासया बांमलाःगु अवस्‍था छंगु निंतिं छगू चिं जुइ। होप्‍नी व पीनहास निम्‍हं छन्‍हुं हे सी।