लूका 2:1 - नेवाः बाइबल

¹ अबलय् लाक्‍क रोमी महाराजा कैसर अगस्‍टसं संसारय् न्‍यंक जनगणना का धकाः उजं बिल।

लूका 2:1 ပူးပေါင်းရင်းမြစ်များ

एस्‍तर 10:1

जुजु अहासूरसं थःगु देशया मूख्य भागय् च्वंपिं व समुद्रया टापुइ च्वंपिं सकलें मनूतय्‌त कर पुइकल।

मत्ती 22:17

छता खँ धयादिसँ, कैसरयात झीसं कर पुले ज्‍यू ला कि मज्‍यू?”

मत्ती 24:14

परमेश्‍वरयागु राज्‍ययागु भिंगु खँ संसारय् न्‍यंकभनं न्‍यंके धुंकाः थ्‍व संसार नाश जुयावनी।”

मर्कूस 14:9

जिं छिमित धात्‍थें धाये – गन गन भिंगु खँ न्‍यंकी, अन अन थ्‍व मिसां याःगु थ्‍व खँ नं लुमंकेत न्‍ह्यथनी।”

मर्कूस 16:15

अले इमित धयादिल – “सारा संसारय् वनाः छिमिसं फुक्‍क मनूतय्‌त भिंगु खँ न्‍यंकि।

लूका 2:3

अय्‌जूगुलिं फुक्‍क मनूत इमि थथःगु गामय् व शहरय् वनाः नां च्‍वकः वन।

लूका 2:5

वं थःलिसे ब्‍याहा यायेत क्‍वःछिना तये धुंकूम्‍ह मरियमयात नं ब्‍वनायंकल। वया प्‍वाथय् दु।

लूका 3:1

रोमयाम्‍ह महाराजा तिबेरिअसं राज्‍य यानाच्‍वंगु झिंन्‍यादँ दुबलय् पन्‍तियस पिलातस यहूदियायाम्‍ह शासक जुयाच्‍वंगु खः। अले हेरोद गालीलयाम्‍ह शासक जुयाच्‍वंगु खः। अथे हे इतुरिया व त्राखोनितिसय् हेरोदया किजा फिलिप व अबिलेनय् लुसानियास शासक जुयाच्‍वंगु खः।

प्रेरित 11:28

इपिं मध्‍ये अगाबस धाःम्‍हय्‌सिनं संसारय् न्‍यंक हे अनिकाल जुइतिनि धकाः आत्‍मायागु शक्तिं अगमवाणी कन। थ्‍व अनिकाल कैसर क्‍लौडियसया पालय् जुल।

प्रेरित 25:11

जिं ज्‍यान सजाँय बीमाय्‌क छुं मभिंगु यानागु दुसा जि सीत नं न्‍ह्यचिलागु दु। इमिसं जितः पाः याःगु छुं नं सत्‍य मखुसेंलि जितः सुनानं इमिगु ल्‍हातय् लाके फइ मखु। जिं कैसरयात बिन्‍ति याये।”

प्रेरित 25:21

पावलं कैसरपाखें न्‍याय याकेगु धकाः बिन्‍ति याःगुलिं जिं वयात कैसरयाथाय् मयंकुतले बांलाक पाः तयाः थन हे तया तयेगु उजं बिया।”

रोमी 1:8

दकलय् न्‍हापां जिं परमेश्‍वरयात येशू ख्रीष्‍टपाखें छिपिं फुक्‍कसिगु निंतिं सुभाय् बी, छाय्‌धाःसा सारा संसार न्‍यंक छिमिसं यानाच्‍वंगु विश्‍वासयागु खँ बय्‌बय् जुयाच्‍वंगु दु।

फिलिप्‍पी 4:22

थनच्‍वंपिं फुक्‍क विश्‍वासीतय्‌सं नं छिमित ज्‍वजलपा धयाहःगु दु। खास यानाः कैसरया जहानपिनिपाखें ज्‍वजलपा धयाहःगु दु।