लूका 18:9 - नेवाः बाइबल

⁹ अले येशूं – “जिपिं हे जक धर्मीपिं” धकाः धया जुयाः कर्पिन्‍त क्‍वह्यंका जुइपिन्‍त थ्‍व उखान कनादिल –

लूका 18:9 ပူးပေါင်းရင်းမြစ်များ

हितोपदेश 30:12

छथ्‍वः मनूत अशुद्ध जूसां थःपिन्‍त तसकं शुद्ध ताय्‌काजुइपिं दु।

यशैया 65:5

अले इमिसं थवंथः धाइ, ‘छिपिं तापाक्‍क हुँ, जिगु न्‍ह्यःने वये मते छाय्‌धाःसा जि छंगु निंतिं तच्‍वकं पवित्रम्‍ह खः।’ थज्‍याःपिं मनूत ला जिगु निंतिं न्‍हाय्‌या कुँ थें व न्‍हिच्‍छि च्‍यानाच्‍वंगु मि थें खः।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

लेवी 13:32

न्‍हय्‌न्‍हु दुखुन्‍हु पुजाहारीं व ल्‍वय्‌यात जाँचय् यायेमाः अले व चासुइगु ल्‍वय् न्‍यनावंगु मदुसा, उकी सँ म्‍हासुसे मच्‍वंसा, अले व चासुइगु ल्‍वय् स्‍वइबलय् छेंगू स्‍वयाः गाः वंगु खने मदुसा,

लूका 10:29

अय्‌नं वं थःत भिं धाय्‌केत वय्‌कःयात थथे धाल – “जिमि जःलाखःला धाःम्‍ह सु खः लय् सा?”

लूका 15:2

अले फरिसीत व शास्‍त्रीतय् थथे धकाः खँ जुल – “थ्‍व मनू ला पापीत नाप बुला जुयाः नया जुइम्‍ह खनिसा।”

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

लूका 18:11

फरिसीं दनाः थथे प्रार्थना यात – ‘परमेश्‍वर, जिं छितः सुभाय् बी, छाय्‌धाःसा जि मेपिं थें ज्‍याःम्‍ह मनू मखु। जि खुँ लुच्‍चा मजुया, मभिं मजुया, व्‍यभिचार मयाना, अले थ्‍व कर काइम्‍ह मनू थें नं मजुया।

लूका 19:7

थ्‍व खनाः मनूतय् दथुइ थथे खँ जुल – “व ला पापीम्‍ह मनूयागु छेँय् धकाः बाय् च्‍वंवन।”

लूका 7:39

थ्‍व खनाः भ्‍वय् सःतूम्‍ह फरिसीं मनं मनं थथे खँ वाय्‌कल – “थ्‍व मनू अगमवक्ता खःसा ला वयात थिया च्‍वंम्‍ह मिसा सु खः, अले गज्‍याःम्‍ह खः धकाः सीके फयेमाःगु खः, छाय्‌धाःसा थ्‍व मिसा ला छम्‍ह पापीनी खः।”

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”

यूहन्‍ना 9:28

अले इमिसं वयात हक्‍काः थथे धाल – “छ हे खः का वया चेला। जिपिं ला मोशाया चेला खः।

यूहन्‍ना 9:34

इमिसं वयात धाल – “पापय् बुयाः पापय् हे ब्‍वलंम्‍ह छं जिमित स्‍यं वयागु ला?” थथे धयाः इमिसं वयात पितिनाछ्वल।

प्रेरित 22:21

“प्रभुं जितः थथे धयादिल – ‘छ वने हे माः, जिं छन्‍त तातापाक यहूदीमखुपिन्‍थाय् छ्वयेत्‍यना।’”

रोमी 10:3

परमेश्‍वरयागु धार्मिकतायात थुइके सीके मफुगुलिं इमिसं थःपिनिगु हे धार्मिकतायात दय्‌केत स्‍वल। अय्‌जूगुलिं इपिं परमेश्‍वरयागु धार्मिकताया अधीनय् मच्‍वं।

रोमी 14:10

अय्‌जूगुलिं छिपिं वाउँचा जक नइपिन्‍सं थः दाजुकिजापिन्‍त छाय् कुंखिनेगु? छिपिं न्‍ह्यागुं नइपिन्‍सं थः दाजुकिजापिन्‍त छाय् हेस्‍यानागु? न्‍यँ, न्‍याय यानादीबलय् झीपिं फुक्‍कं परमेश्‍वरया न्‍ह्यःने च्‍वने मानि।

रोमी 14:3

अथे न्‍ह्यागुं नइम्‍हय्‌सिनं मनइम्‍हय्‌सित क्‍वह्यंके मते, अथे हे मनइम्‍हय्‌सिनं नं नइम्‍हय्‌सित कुंखिने मते। छाय्‌धाःसा परमेश्‍वरं इमित थः मनू दय्‌कादीगु खः।

रोमी 7:9

जि छकः ला व्‍यवस्‍था मसीकं म्‍वानाच्‍वने धुंकूम्‍ह मनू खः। गुबलय् आज्ञा सिल अबलय् पाप म्‍वात।