लूका 17:2 - नेवाः बाइबल

² सुनां थथे चिधंम्‍ह छम्‍ह मनूयात जक नं पापय् लाकी, वयात गःपतय् ल्‍वहंघः घाकाः समुद्रय् वांछ्वयेगु हे बांलाइ।

लूका 17:2 ပူးပေါင်းရင်းမြစ်များ

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 17:27

अय्‌जूसां झीसं थुमित तं पिकाय्‌के मज्‍यू, उकिं समुद्रय् वनाः बल्‍छी ति। दकलय् न्‍हापां क्‍यंम्‍ह न्‍यायात सालाः का। वयागु म्‍हुतुइ छंगु व जिगु देगःयागु कर पुलेत गाक्‍क धिबा दइ। अले उकिं हे कर पुलाब्‍यु।”

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

मत्ती 18:14

अथे हे स्‍वर्गय् च्‍वनादीम्‍ह छिमि बाःयात नं थ्‍व मस्‍त सुं छम्‍ह हे नं तनिगु मयः।

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

मर्कूस 9:42

“सुनानं जितः विश्‍वास यानाच्‍वंम्‍ह छम्‍ह चिधंम्‍ह मनूयागु जक नं विश्‍वास स्‍यंकेत स्‍वल धाःसा वयात गःपतय् ल्‍वहंघः घाकाः समुद्रय् वांछ्वयेगु हे बांलाइ।

यूहन्‍ना 21:15

नयेनी धुंकाः येशूं सिमोन पत्रुसयात धयादिल – “यूहन्‍नाया काय् सिमोन, थुमिसं स्‍वयाः छं जितः अप्‍वः माया याना ला?” वं वय्‌कःयात धाल – “खः प्रभु, जिं छितः माया याः धकाः छिं स्‍यू।” अले वय्‌कलं धयादिल – “जिमि चीधिकःपिं भ्‍याःचातय्‌त ज्‍व।”

१ कोरिन्‍थी 9:15

अय्‌सां जिं थथे काये ज्‍यूगु, काये दुगु छुं हे कयागु मदु। अले हानं अथे कायेत नं जिं थ्‍व खँ च्‍वयाच्‍वनागु मखु। थथे याये सिबें ला सिनावनेगु हे भिं जू। सुनानं जिगु थ्‍व घमण्‍डयात फुस्‍कुलुगु धकाः धाये फइ मखु।

१ कोरिन्‍थी 9:22

विश्‍वासय् बमलानिपिं मनूतय्‌त थुइकेत नं जि इपिं थें जुया। थुकथं इपिं गथे खः जि नं अथे हे जुया। थुकथं फुक्‍क मनूतय्‌त विश्‍वासय् हयेत जि न्‍ह्याम्‍हं जुया।