लूका 16:2 - नेवाः बाइबल

² अले वं वयात सःताः धाल – ‘छं मखु थें यानाच्‍वन धकाः धाःगु खँ खः ला कि मखु? आवंनिसें छं जिथाय् ज्‍या याये म्‍वाःल। जितः हिसाब बुझय् याये हजि।’

लूका 16:2 ပူးပေါင်းရင်းမြစ်များ

उपदेशक 12:14

झीसं यानागु ज्‍या, भिं जुइमा वा मभिं जुइमा, सुला याःगु ज्‍यानापं फुक्‍क खँया न्‍याय परमेश्‍वरं यानादी।

मत्ती 12:36

“जिं छिमित धाये – छिमिसं ल्‍हाना जूगु म्‍वाःमदुगु छता छता खँया ल्‍याःचाः परमेश्‍वरं न्‍याय यानादीबलय् कयादी।

मत्ती 20:8

“बहनी जुइकाः दाखक्‍यबया थुवालं ज्‍यामि नायःयात धाल – ‘ज्‍यामितय्‌त सःताः दकलय् लिपा वःपिंनिसें छसिकथं ज्‍याला ब्‍यु।’

लूका 12:20

“अले परमेश्‍वरं वयात थथे धयादिल – ‘अय् मूर्ख, छ ला थौं चान्‍हय् हे सी। छं मुंकातःगु धन, अन्‍न फुक्‍कं आः सुयागु जुइ?’

लूका 12:42

अले वय्‌कलं धयादिल – “भिंम्‍ह व विश्‍वास याये बहःम्‍ह च्‍यः सु जुइ? गुम्‍हय्‌सित वया मालिकं मेपिं च्‍यःतय्‌त ठीक ठीक इलय् नके त्‍वंकेगु ज्‍या बियाः इमि नायः याना तइ, व हे जुइ।

लूका 16:1

येशूं चेलातय्‌त नं थथे धयादिल – “छम्‍ह तःमिम्‍ह मनूया छम्‍ह दांभरिं तयातःगु दु। छन्‍हु व दांभरिंनं लाः लाः थे धिबा खर्च यानाच्‍वन धकाः मालिकं न्‍यन।

लूका 16:3

“अले वं बिचाः यात – ‘आः जिं छु यायेगु? मालिकं जितः ज्‍यां लिकयाबी न। बुँ पाः जुइ जिं मफु, अले फ्‍वं जुइत मछाः।

रोमी 14:12

थुकथं झीपिं छम्‍ह छम्‍हय्‌सिनं थथःगु ल्‍याःचाः परमेश्‍वरयात बीमाः।

१ कोरिन्‍थी 1:11

छिपिं थःथवय् ल्‍वानाच्‍वन धयागु खँ जितः क्‍लोएया छेँयापिन्‍सं कंगु खः।

१ कोरिन्‍थी 4:2

विश्‍वास यायेबहःपिं च्‍यःत खः धकाः जिमिसं क्‍यनेमाः।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

१ तिमोथी 4:14

थकालिपिन्‍सं छन्‍त छेनय् ल्‍हाः तयाः न्‍हापां हे क्‍वःछिनातःगु वरदानयात सितिं छ्वये मते।

१ तिमोथी 5:24

गुम्‍हय् गुम्‍हय्‌सिगु पाप ला बांलाक हे सी दयाच्‍वनी, इपिं न्‍हापा हे दोषी ठहरय् जुइ। गुलिसिगुं पाप ला लिपा लिपा जक सी दइ।

१ पत्रुस 4:10

परमेश्‍वरं छिमित थीथी कथंया वरदान बियादीगु दु। उकिं थःथपिन्‍त बियातःगु वरदान छ्यलाः मेपिन्‍त ग्‍वाहालि या।

१ पत्रुस 4:5

इमिसं सी धुंकूपिन्‍त नं म्‍वानाच्‍वंपिन्‍त नं न्‍याय यानादीम्‍ह परमेश्‍वरयात लिसः बी माली।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।