लूका 15:4 - नेवाः बाइबल

⁴ “छिकपिं मध्‍ये सुयां छम्‍हय्‌सिया सछिम्‍ह फैचा दु धाय्‌का। उकी छम्‍ह फैचा तन धाःसा वं छु याइ? वं गुइगुम्‍ह फैचायात ख्‍यलय् हे त्‍वःताः तंम्‍ह फैचायात माः मजुइ ला?

लूका 15:4 ပူးပေါင်းရင်းမြစ်များ

भजनसंग्रहया सफू 119:176

तंम्‍ह फै थें जि मखुगु लँय् वनागु दु, छिकपिनि दासयात मालादिसँ, छाय्‌धाःसा जिं छिगु आज्ञा ल्‍वःमंकागु मदु।

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

यर्मिया 33:13

पहाडी देशया शहरत, पच्‍छिमया फेदीइ च्‍वंगु शहरत, नेगेवया शहरत, बेन्‍यामीनया लागा, यरूशलेमया जःखः च्‍वंगु गां व बस्‍तीत व यहूदाया शहर शहरय् फैजवाःतय्‌सं थथःम्‍हं फैच्‍वलय्‌त ल्‍याः खाइ,’ परमप्रभुं धयादी।

यर्मिया 50:6

“जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

इजकिएल 34:31

“‘छिपिं जिम्‍ह फैत खः, जिगु ख्‍यःयापिं फैत, जिम्‍ह हे मनूत खः, जि छिमि परमेश्‍वर खः, परमप्रभु परमेश्‍वरं धयादी।’”

इजकिएल 34:4

छिमिसं बमलाःपिन्‍त बल्‍लाकूगु मदु, बिरामीतय्‌त लाय्‌कूगु मदु, घाःपाः जूपिन्‍त मलम बुलाः पट्टी तयाब्‍यूगु मदु। छिमिसं लँ द्वंकुपिन्‍त खःगु लँय् हःगु मदु, तनाच्‍वंपिन्‍त माःगु मदु। छिमिसं इमित बल व जबरजस्‍तिं शासन याःगु दु।

इजकिएल 34:8

जि, परमप्रभु परमेश्‍वर न्‍ववानागु दु, गथे जि धात्‍थें म्‍वाःम्‍ह खः, फैजवाः मदुगुलिं जिगु बथांयात लुतय्‌ याःगु दु, गुँपशुया आहारा जूगु दु। छाय्‌धाःसा जिम्‍ह फैजवाःतय्‌सं जिगु बथांयात माःमवं, फैतय्‌त वास्‍ता मयासें थःगु हे जक वास्‍ता यात।

मत्ती 12:11

वय्‌कलं लिसः बियादिल – “छिमि सुयां फैचा विश्रामबार खुन्‍हु गालय् कुतुंवन धाःसा छिमिसं वयात थकायेत मस्‍वइ ला?

लूका 13:15

अले प्रभुं वयात लिसः बियादिल – “छिकपिं गज्‍याःपिं निपाः ख्‍वाःपाः दुपिं? छिकपिन्‍सं द्वहंतय्‌त, गधातय्‌त विश्रामबार खुन्‍हु गलं त्‍वःताः लः त्‍वंके मयंका ला?

लूका 15:3

अय्‌जूगुलिं वय्‌कलं छगू उखान कनादिल।

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

रोमी 2:1

कर्पिनिगु निन्‍दा जक याइपिं छिमिसं छुं हे त्‍वहः तय्‌थाय् मदु, छाय्‌धाःसा गुगु दोष छिमिसं मेपिन्‍त बी, व हे दोष छिमिके नं दु, छाय्‌धाःसा छिमिसं नं व हे ज्‍या यानाच्‍वंगु दु।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।