लूका 15:2 - नेवाः बाइबल

² अले फरिसीत व शास्‍त्रीतय् थथे धकाः खँ जुल – “थ्‍व मनू ला पापीत नाप बुला जुयाः नया जुइम्‍ह खनिसा।”

लूका 15:2 ပူးပေါင်းရင်းမြစ်များ

मत्ती 11:19

मनूया काय्‌नं नयेत्‍वने याना जुल। इमिसं वयात – ‘नगुलु, अय्‌लाःगुलुत व कर काइपिनि व पापीतय् पासा’ धकाः धयाजुल। इमिगु बुद्धि ला इमिगु ज्‍यां हे क्‍यं।”

मत्ती 9:11

थ्‍व खनाः फरिसीतय्‌सं वय्‌कःया चेलातय्‌त धाल – “थ्‍व छु खः? छिमि गुरु ला कर काइपिं व पापीत नाप च्‍वनाः नयाच्‍वन नि?”

लूका 15:3

अय्‌जूगुलिं वय्‌कलं छगू उखान कनादिल।

लूका 19:7

थ्‍व खनाः मनूतय् दथुइ थथे खँ जुल – “व ला पापीम्‍ह मनूयागु छेँय् धकाः बाय् च्‍वंवन।”

लूका 5:30

फरिसीत व शास्‍त्रीतय्‌सं वय्‌कःया चेलातय्‌त इमिगु दोष क्‍यनाः थथे धाल – “कर काइपिं व पापीत नाप च्‍वनाः छिमिसं छाय् नयेत्‍वने यानागु?”

लूका 7:34

मनूया काय्‌नं नयेत्‍वने याना जुल। छिमिसं वयात ‘नगुलु, अय्‌लाःगुलुत, कर काइपिं व पापीतय् पासा’ धकाः धयाजुल।

लूका 7:39

थ्‍व खनाः भ्‍वय् सःतूम्‍ह फरिसीं मनं मनं थथे खँ वाय्‌कल – “थ्‍व मनू अगमवक्ता खःसा ला वयात थिया च्‍वंम्‍ह मिसा सु खः, अले गज्‍याःम्‍ह खः धकाः सीके फयेमाःगु खः, छाय्‌धाःसा थ्‍व मिसा ला छम्‍ह पापीनी खः।”

प्रेरित 11:3

“यहूदीमखुपिन्‍थाय् वनाः छं नयेत्‍वने याना वयागु ला?”

गलाती 2:12

याकूबं छ्वयाहःपिं मनूत वये न्‍ह्यः पत्रुसं यहूदीमखुपिं विश्‍वासीतनाप नयेत्‍वनेगु यानाच्‍वन। इपिं वये धुंकाः म्‍हय् चिं तयेमाः धकाः धाइपिं मनूत खनाः ग्‍यानाः पत्रुसं यहूदीमखुपिं नाप नयेत्‍वनेगु त्‍वःताबिल।

१ तिमोथी 1:15

पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।