लूका 13:8 - नेवाः बाइबल

⁸ “अले क्‍यबय् ज्‍या याइम्‍हय्‌सिनं धाल – ‘आः हानं दच्‍छि तक स्‍वये का हजुर। जिं हानं छकः जःखः बांलाक म्‍हुयाः गाक्‍क साः तयाः स्‍वये।

लूका 13:8 ပူးပေါင်းရင်းမြစ်များ

भजनसंग्रहया सफू 106:23

उकिं वय्‌कलं इमित नाश याये धकाः धयादीगु खः, अय्‌नं वय्‌कःया नाश याइगु तं चीकाछ्वयेत वय्‌कःया ल्‍ययातःम्‍ह मनू मोशा वय्‌कःया न्‍ह्यःने दन।

प्रस्‍थान 34:9

वं धाल, “हे परमप्रभु, छिं जिमित धात्‍थे माया यानादियागु खःसा छि जिपिंनापं झासँ। थ्‍व छगू जिराहा जाति जूसां जिमिगु अधर्म व पाप क्षमा यानादिसँ, अले जिमित थःगु हे सम्‍पत्ति थें नाला कयादिसँ।”

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 18:20

छु! भिंया पलेसा मभिं याइ ला? अय्‌नं इमिसं जिगु प्राणया निंतिं गाः म्‍हूगु दु। इपिंपाखें छिगु तं चीकाछ्वयेगु लागि जिं इमिगु पंलिनाः नवायेत जि छिगु न्‍ह्यःने दना। व लुमंकादिसँ।

योएल 2:17

परमप्रभुया न्‍ह्यःने सेवा याइपिं पुजाहारीत, देगःया दलान व वेदीया दथुइ च्‍वनाः ख्‍वयेमा। अले इमिसं थथे धकाः प्रार्थना यायेमा, “हे परमप्रभु, थः मनूतय्‌त दया यानादिसँ। छि थः मनूतय्‌त हेस्‍याके बियादी मते, अले मेपिं जातितय्‌गुपाखें हेपय् याकादीमते। ‘इमि परमेश्‍वर गन दु’ धकाः मेपिं जातितय्‌त छाय् धाय्‌के बीगु?”

लूका 13:7

अले वं क्‍यबय् ज्‍या याइम्‍हय्‌सित धाल – ‘स्‍वदँ मछि दये धुंकल थ्‍व यःमरि सइ ला धकाः पियाच्‍वनागु, सःगु हे मखुनि। आः ला सिमायात पाला छ्वःसां जिल। थाय् जक पंक, छाय् तया तयेगु?’

लूका 13:9

थथे यानाः यःमरि सल धाःसा बां हे लात, मखुसा पाला छ्वयाबी।’”

लूका 14:35

थथे सवाः तने धुंकूगु चि ला बुँइ तयेत नं मज्‍यू, साःद्वँय् तयेत नं मज्‍यू। अज्‍याःगु चियात ला मनूतय्‌सं वांछ्वइ। सुयाके न्‍हाय्‌पं दु वं न्‍यना का।”

रोमी 10:1

यःपिं दाजुकिजापिं, यहूदीत नं बचय् जुइमा धयागु जिगु इच्‍छा दुगुलिं परमेश्‍वरं इमित बचय् यानादीमा धकाः प्रार्थना यानाच्‍वनागु खः।

रोमी 11:14

थुकथं जिमि यहूदी दाजुकिजापिं मध्‍ये गुम्‍हं गुम्‍हय्‌सित बचय् यायेत जिं इमित नुगः मुइके बी।

२ पत्रुस 3:9

गुम्‍ह गुम्‍हय्‌सिनं मतिइ तः थें प्रभुं थःम्‍हं धयादी थें यायेत लिपा लाकादी मखु। अथेसां छिपिं सुं नं नाश मजुइमा, अले फुक्‍कसिनं पश्‍चाताप यायेमा धकाः वय्‌कः पियाच्‍वनादीगु खः।