लूका 13:1 - नेवाः बाइबल

¹ अबलय् हे छथ्‍वः मनूतय्‌सं वयाः येशूयात थथे धाल – “परमेश्‍वरयात बलि बियाच्‍वंबलय् पिलातसं गालीलीतय्‌त स्‍याकल। अले इमिगु हि व बांयागु हि नाप ल्‍वाकछ्याना बिल।”

लूका 13:1 ပူးပေါင်းရင်းမြစ်များ

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

मत्ती 27:1

सुथ न्‍हापां हे तःधंपिं पुजाहारीतय्‌सं व थकालिपिन्‍सं मुनाः येशूयात स्‍यायेगु ग्‍वसाः ग्‍वल।

मत्ती 27:2

अले इमिसं वय्‌कःयात चिनायंकाः रोमी बडा-हाकिम पिलातसयात लःल्‍हाना बिल।

प्रेरित 1:11

थथे धाल – “गालीलय् च्‍वंपिं मनूत, छाय् वातां दनाः आकाशय् स्‍वयाच्‍वनागु? येशू स्‍वर्गय् झायादीगु छिमिसं खंथें तुं वय्‌कः हानं अथे हे थन लिहां झायादी तिनि।”

प्रेरित 2:7

अजू चायाः व धाये थ्‍व धाये मदयाः इमिसं थथे धाल – “थ्‍व नवाना च्‍वंपिं फुक्‍कं गालीलीत मखु ला?

प्रेरित 5:37

वयां लिपा मनूतय्‌गु ल्‍याःचाः काःगु इलय् गालीलयाम्‍ह यहूदा धाःम्‍हं नं अथे हे यानाः थःगु ल्‍यूल्‍यू मनू तया जुल। वयात नं स्‍यानाबिल। अले वया मनूत उखेलाः थुखेलाः मदयावन।