लूका 12:4 - नेवाः बाइबल

⁴ “यःपिं पासापिं, जिं छिमित धाये – म्‍हयात जक स्‍याइपिं खनाः ग्‍याये माःगु मदु। थुलिं अप्‍वः इमिसं मेगु छुं नं याये फइ मखु।

लूका 12:4 ပူးပေါင်းရင်းမြစ်များ

हितोपदेश 29:25

ग्‍याःचिकु मनूतय्‌गु निंतिं स्‍वःतिपाँय् खः, सुनां परमप्रभुयात विश्‍वास याइ, वयात सुरक्षा दइ।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

श्रेष्‍ठगीत 5:16

वयागु म्‍हुतु तसकं साःगुलिं जाः, व तसकं बांलाःम्‍ह खः। व जिमि यःम्‍ह प्रिय खः, जिमि पासा नं खः, हे यरूशलेमया मिसापिं, जिमि प्रिय थथे हे खः।

यशैया 41:8

“तर छ! हे इस्राएल, जिमि दास, याकूब, सुयात जिं ल्‍ययागु दु। जिमि पासा अब्राहामया वंश,

यर्मिया 1:17

“यर्मिया तयार जु! जिं छन्‍त उजं बियागु फुक्‍क खँ वनाः इमित धयाब्‍यु। आः इपिं खनाः ग्‍याये मते! मखुसा जिं छन्‍त इमिगु न्‍ह्यःने ग्‍याये माय्‌काबी।

यर्मिया 1:8

इपिं खनाः छ ग्‍याये मते, छाय्‌धाःसा छन्‍त रक्षा यायेत जि छनापं दइ। जि परमप्रभु न्‍ववानागु दु।”

यर्मिया 41:18

इपिं बेबिलोनीत खनाः ग्‍याःगु खः, छाय्‌धाःसा बेबिलोनयाम्‍ह जुजुं देशया बडाहाकिम ल्‍यःम्‍ह अहीकामया काय् गदल्‍याहयात नतन्‍याहया काय् इश्‍माएलं स्‍याःगु खः।

इजकिएल 2:6

“अय् सीमानिम्‍ह मनू, इपिं खनाः ग्‍याये मते अले इमिगु खँ न्‍यनाः ग्‍याये मते! छंगु प्‍यखें कंमा व कं दुसां वा बिच्‍छितय्‌गु दथुइ च्‍वनेमाःसां छ ग्‍याये मते! इमिसं न्‍ह्यागु धाःसां छ ग्‍याये मते! खः ला, इपिं विद्रोही सन्‍तान खः।

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

यूहन्‍ना 15:13

पासायागु निंतिं सीगु ति तःधंगु माया मेगु मदु।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

फिलिप्‍पी 1:28

दुःख बीपिं खनाः छिपिं ग्‍याये मते। थुकिं इपिं नाश जुयावनी, अले छिमित मुक्ति दइ धकाः बांलाक सी दु, छाय्‌धाःसा थ्‍व परमेश्‍वरं हे यानादीगु खः।

याकूब 2:23

थुकथं धर्मशास्‍त्रय् च्‍वयातःगु थ्‍व खँ पूवन – “अब्राहामं परमेश्‍वरयात अथे विश्‍वास याःगुलिं हे वयात धर्मीम्‍ह मनू धकाः धयादिल।” “अब्राहाम जिम्‍ह पासा खः” धकाः परमेश्‍वरं हे धयादिल।

१ पत्रुस 3:14

सुयातं भिंगु यानाः नं दुःखकष्‍ट जुल धाःसा परमेश्‍वरं छिमित आशिष बियादी। अथे दुःखकष्‍ट बीवं ग्‍याये मते, अले दुःख नं ताये मते।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।