लूका 11:9 - नेवाः बाइबल

⁹ “अय्‌जूगुलिं जिं छिमित धाये – फ्‍वँ, अले छिमित दइ, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

लूका 11:9 ပူးပေါင်းရင်းမြစ်များ

भजनसंग्रहया सफू 118:5

आपत जूबलय् जिं परमप्रभुया नां कयाः अले वय्‌कलं जितः लिसः बियादिल, जितः छुत्‍कारा बियादिल।

भजनसंग्रहया सफू 27:4

जिं न्‍ह्याबलें माला च्‍वनागु छता हे जक खँ परमप्रभुयाके जिं छता हे जक फ्‍वने, जिं व हे मालाच्‍वने, परमप्रभुयागु हिसिलाःगु ख्‍वाः स्‍वयेत व वय्‌कःयात म्‍हसीकेत वय्‌कःयागु देगलय् सदां च्‍वनेदयेमा।

भजनसंग्रहया सफू 27:8

छिं “जिथाय् वा” धयादीबलय्, जिं लिसः बिया, “जि वये परमप्रभु।”

भजनसंग्रहया सफू 34:10

बल्‍लाःपिं सिंहत नये मखनाः गंसि जुइ तर परमप्रभुयात विश्‍वास याइपिन्‍त भिंगु छुं हे खँया मगाःमचाः जुइ मखु।

भजनसंग्रहया सफू 34:4

जिं परमप्रभुयात माला, वय्‌कलं जितः लिसः बियादिल। नापं वय्‌कलं जिगु फुक्‍क भय नं मदय्‌काबिल।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

श्रेष्‍ठगीत 5:6

जि यःम्‍ह प्रियया निंतिं लुखा चाय्‌का बियाः तर जिमि यःम्‍ह प्रिय ला वने धुंकूगु जुयाच्‍वन! वं जितः त्‍वताःवंबलय् जि निराश जुया! जिं वयात मातुमाला तर लुइके मफुत, जिं वयात सःता अय्‌नं छुं हे लिसः मवः।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यर्मिया 29:12

अले छिमिसं जितः सःती। छिपिं वयाः जितः प्रार्थना याइ। जिं छिमिगु प्रार्थना ध्‍यान बियाः न्‍यने।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

दानिएल 9:3

उकिं अपसं च्‍वनाः भांग्रा फिनाः नउ बुलाः परमप्रभु परमेश्‍वरया न्‍ह्यःने प्रार्थना व दुनुगलंनिसें बिन्‍ति याना।

मत्ती 21:22

अले विश्‍वास यानाः प्रार्थनाय्‌ न्‍ह्यागु फ्‍वंसां छिमित दइ।”

मत्ती 21:31

“थुपिं निम्‍ह काय्‌पिं मध्‍ये सुनां बौम्‍हय्‌सिगु खँ न्‍यन?” इमिसं लिसः बिल – “तःधिकःम्‍ह काय्‌म्‍हं।” अले वय्‌कलं धयादिल – “जिं छिकपिन्‍त खःगु खँ धाये – कर काइपिं व वेश्‍यात छिकपिं स्‍वयाः न्‍हापालाक परमेश्‍वरयागु राज्‍यय् दुहां वनी।

मत्ती 6:29

अथेसां जिं धाये – उलिमछि धन-सम्‍पत्ति दुम्‍ह सोलोमन जुजु छफ्‍वः स्‍वां ति हे झःझः मधाः।

मर्कूस 11:24

अय्‌जूगुलिं जिं छिमित धाये – प्रार्थना यानाः छिमिसं छु फ्‍वंगु खः व जितः दये धुंकल धकाः विश्‍वास यात धाःसा छिमित व द हे दइ।

मर्कूस 13:37

जिं छिमित धयाच्‍वनागु खँ फुक्‍कसितं धयाच्‍वनागु दु – ‘होश‍यानाच्‍वँ।’”

लूका 11:10

छाय्‌धाःसा फ्‍वंपिन्‍त बी, माला स्‍वःपिन्‍सं लुइकी, अले सः ब्‍यूम्‍हय्‌सित चाय्‌काबी।

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

२ कोरिन्‍थी 6:2

परमेश्‍वरं थथे धयादीगु दु – “पाय्‌छिगु इलय् जिं छिमिगु खँ न्‍यनागु दु। अले उद्धारया दिनय् जिं छिमित ग्‍वाहालि यानागु दु।” स्‍व, पाय्‌छिगु ई थ्‍व हे खः, उद्धारया दिं नं आः हे खः!

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

हिब्रू 4:16

अय्‌जूगुलिं झीपिं भचा हे मग्‍यासे परमेश्‍वरया सिंहासनया न्‍ह्यःने वनेनु। अले वय्‌कलं झीत दया यानाः माःबलय् माःकथं झीत ग्‍वाहालि यानादी।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।

१ यूहन्‍ना 3:22

वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।

प्रकाश 2:24

“आः ल्‍यंदनिपिं थिआटीराय् च्‍वंपिं वयागु खँय् मजूपिं व शैतानयागु गुप्‍ति खँ मस्‍यूपिन्‍त जिं आः मेगु छुं हे कु क्‍वबिके मखुत।