लूका 11:8 - नेवाः बाइबल

⁸ जिं छिमित धाये – वं थः पासा जूगुलिं वयात छुं नं मब्‍यूसां तिवां तिवां हालाच्‍वंगुलिं वं दनाः वयात माक्‍व बियाछ्वइ।

लूका 11:8 ပူးပေါင်းရင်းမြစ်များ

उत्‍पत्ति 32:26

व मनुखं धाल, “सुथ जुइन, आः जितः वनेब्‍यु।” याकूबं धाल, “जितः आशिष मब्‍युतले जिं छितः छ्वये मखु।”

लूका 11:7

पासाम्‍हय्‌सिनं दुने थासं थथे धयाहल धाये – ‘जितः दुःख बी मते। खापा ति धुन। जि मस्‍त नं जिनापं द्यनाच्‍वंगु दु। आः इलय् दनाः जिं छन्‍त छुं नं बी मफु।’

रोमी 15:30

यःपिं दाजुकिजापिं, झी प्रभु येशू ख्रीष्‍टया नामं व पवित्र आत्‍मां बियादीगु मायां जिगु निंतिं जिलिसें मदिक्‍क परमेश्‍वरयात प्रार्थना यानाब्‍यु धकाः बिन्‍ति यानाच्‍वना।

२ कोरिन्‍थी 12:8

थ्‍व दुःख मदय्‌कादिसँ धकाः जिं स्‍वकः तक प्रभुयात बिन्‍ति याये धुन।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

न्‍यायकर्ता 14:17

भ्‍वय्‌या न्‍हय्‌न्‍हु तक क्‍वाःया लिसःया लागिं वया कलाः ख्‍वया हे च्‍वन। अथे जुयाः वया कलातं यक्‍व जिद्दी यानाः च्‍वंगुलिं न्‍हय्‌न्‍हु दुखुन्‍हु शिमशोनं क्‍वाःया लिसः थः कलाःयात कन। अले वं व क्‍वाःया लिसः थः दाजुकिजापिन्‍त धयाबिल।

१ शमूएल 1:12

वं ताःई तक परमप्रभुया न्‍ह्यःने प्रार्थना याना हे च्‍वन। एलीं वयागु म्‍हुतु संगु खन।