लूका 11:7 - नेवाः बाइबल

⁷ पासाम्‍हय्‌सिनं दुने थासं थथे धयाहल धाये – ‘जितः दुःख बी मते। खापा ति धुन। जि मस्‍त नं जिनापं द्यनाच्‍वंगु दु। आः इलय् दनाः जिं छन्‍त छुं नं बी मफु।’

लूका 11:7 ပူးပေါင်းရင်းမြစ်များ

श्रेष्‍ठगीत 5:3

जिं थःगु लं त्‍वयेधुन, छु जिं व हाकनं फियेगु ला? जिं थःगु तुति सिलाछ्वये धुनागु दु, छु उकियात हाकनं फोहर यायेगु ला?

मत्ती 25:10

“इपिं चिकं न्‍याः वनाच्‍वंबलय् हे जिलाजं थ्‍यंकः वल। मत च्‍याका च्‍वंपिं न्‍याम्‍ह ल्‍यासेतय्‌त जिलाजं नाप ब्‍याहा भ्‍वजय् दूत यंकल। अले लुखा तिनाबिल।

लूका 11:6

छाय्‌धाःसा जिमि पासा छम्‍ह तापाकंनिसें थ्‍यंकः वल। वयात नकेत जिके छुं हे मदु।’

लूका 11:8

जिं छिमित धाये – वं थः पासा जूगुलिं वयात छुं नं मब्‍यूसां तिवां तिवां हालाच्‍वंगुलिं वं दनाः वयात माक्‍व बियाछ्वइ।

लूका 13:25

छेँ थुवालं खापा ति धुंकाः हानं चाय्‌काबी मखु। अले छिपिं पिने च्‍वनाः थथे धयाः खापा संका च्‍वनेमाली – ‘प्रभु, खापा चाय्‌कादिसँ।’ वय्‌कलं थथे लिसः बिया हइ – ‘छिपिं गनं वयापिं खः? जिं छिमित म्‍हमस्‍यू।’

लूका 7:6

अले वय्‌कः इपिं नाप झाल। वय्‌कःपिं वयागु छेँय् थ्‍यनिथें च्‍वंबलय् कप्‍तानं वया पासापिन्‍त वय्‌कःयात थथे धाय्‌के छ्वयाहल – “प्रभु, छिं जिथाय् झायाः दुःख सियादी म्‍वाः। प्रभुयात जिगु छेँय् सःतेत जि उलि मग्‍यंनि।

गलाती 6:17

आः थ्‍व खँय् सुनानं जितः दुःखकष्‍ट बी मते, छाय्‌धाःसा येशूया दास खः धकाः क्‍यनेगु घाःखू जिं थःगु म्‍हय् फये धुन।