लूका 11:4 - नेवाः बाइबल

⁴ जिमिगु पाप क्षमा यानादिसँ, गथे जिमिसं नं जिमित स्‍यंकूपिन्‍त क्षमा याना बियाच्‍वनागु दु। प्रभु, जिमित सह याये मफय्‌क जाँचय् लाकादी मते।’”

लूका 11:4 ပူးပေါင်းရင်းမြစ်များ

उत्‍पत्ति 48:16

जितः दुःखय् ग्‍वाहालि यानादीम्‍ह स्‍वर्गदूतं थ्‍व मस्‍तय्‌त आशिष बियादीमा। अले थुमिपाखें हे जिगु नां, जिमि बाज्‍या अब्राहाम व बाः इसहाकयागु नां ल्‍यनाच्‍वने मा। पृथ्‍वीइ थुमि सन्‍तान यक्‍व दयाः न्‍यनावनेमा।”

१ राजा 8:34

छिं स्‍वर्गं इमिगु प्रार्थना न्‍यनादिसँ अले थः मनूत इस्राएलीतय्‌गु पाप क्षमा यानादिसँ। इमि पुर्खायात छिं बियादीगु देशय् इमित लितहयादिसँ।

१ राजा 8:36

हे परमप्रभु, छिं स्‍वर्गं इमिगु बिन्‍ति न्‍यनादिसँ, अले थः दासत इस्राएलीतय्‌गु पाप क्षमा यानादिसँ। इमित इपिं जुइमाःगु खःगु लँपु स्‍यनादिसँ। छिं थः मनूतय्‌त इमिगु सर्बयया निंतिं बियादीगु थ्‍व देशय् हाकनं वा वय्‌कादिसँ।

भजनसंग्रहया सफू 121:7

परमप्रभुं छन्‍त फुक्‍क मभिंगु खं बचय् यानादी, वय्‌कलं छंगु बिचाः यानादी।

भजनसंग्रहया सफू 25:11

हे परमप्रभु! थःगु नांयात तःधंकेत जिगु पाप न्‍ह्याक्‍व हे तःधंसां क्षमा यानादिसँ।

भजनसंग्रहया सफू 25:18

जिगु फुक्‍क दुःख व कष्‍टयात बिचाः यानादिसँ, अले जितः जिगु फुक्‍क पापं क्षमा यानादिसँ।

दानिएल 9:19

“हे परमप्रभु न्‍यनादिसँ, हे प्रभु पाप क्षमा यानादिसँ, हे प्रभु जिमिगु बिन्‍ति न्‍यनाः वकथं ज्‍या यानादिसँ। छिगु नांया लागि आः लिबाकादी मते। थ्‍व शहर व छिकपिनि मनूतके छिगु हे नां दु।”

होशे 14:2

थःगु पाप मानय् यानाः परमप्रभुयाथाय् लिहां वा। वय्‌कःयात धा, “जिमिगु दक्‍व पाप क्षमा यानादिसँ, जिमिगु प्रार्थना न्‍यनादिसँ, अले जिमिसं छितः प्रशंसाया बलि छाये।

मत्ती 18:35

“छिमिसं नं थः दाजुकिजापिन्‍त दुनुगलंनिसें क्षमा याना मबिल धाःसा स्‍वर्गय् च्‍वनादीम्‍ह जिमि बाःनं नं छिमित अथे हे यानादी।”

मत्ती 26:41

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला न्‍ह्यचिलाच्‍वंगु दु, म्‍ह जक बमलाः।”

लूका 11:5

वय्‌कलं इमित धयादिल – “धाय्‌की, निम्‍ह पासा दु। बाचा इलय् छम्‍हसिनं थः पासायाथाय् वनाः थथे धाल – ‘पासा, जितः स्‍वपा मरि त्‍याय् ब्‍यु लय्,

लूका 13:4

सिलोआमय् च्‍वंगु धरहरा क्‍वःदलाः ल्‍हानाः सीपिं झिंच्‍याम्‍ह मनूत यरूशलेमय् च्‍वंपिं मनूत स्‍वयाः पापीत धकाः मतिइ तया ला कि छु छिकपिन्‍सं?

लूका 22:46

अले वय्‌कलं धयादिल – “छिपिं छाय् द्यनाच्‍वनागु? दनाः प्रार्थना या। अले जक दुःखकष्‍ट जू वःसां छिपिं बल्‍लाना च्‍वने फइ।”

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

यूहन्‍ना 17:15

अय्‌जूसां छिं इमित संसारं यंकादिसँ धकाः मखु बरु इमित मभिंगु ज्‍याखँ मयाकुसे बचय् यानातयादिसँ धकाः जिं छितः बिन्‍ति यानागु खः।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

कलस्‍सी 3:13

थःथवय् सह यानाः दया माया या। थःत सुनानं मभिंकूसां वयात क्षमा बीगु या। गथे प्रभुं छिमित क्षमा यानादिल, अथे हे छिमिसं नं क्षमा बीमाः।

२ थेसलोनिकी 3:3

प्रभु विश्‍वास याये बहःम्‍ह खः। वय्‌कलं हे छिमित बल्‍लाकादी, अले दुष्‍टम्‍ह मनूपाखें बचय् यानातयादी।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।