लूका 11:1 - नेवाः बाइबल

¹ छन्‍हु येशू छथाय् प्रार्थना यानाच्‍वनादिल। छम्‍ह चेलां वय्‌कःयात थथे धाल – “यूहन्‍नां नं वया चेलातय्‌त प्रार्थना यायेगु स्‍यं थें हे जिमित नं प्रार्थना यायेगु स्‍यनाबियादिसँ।”

लूका 11:1 ပူးပေါင်းရင်းမြစ်များ

भजनसंग्रहया सफू 10:17

छिं दुःखय् लानाच्‍वंपिनिगु सः न्‍हाय्‌पं बियाः न्‍यनादी। छिं इमिगु नुगःयात बल्‍लाकादी।

भजनसंग्रहया सफू 19:14

हे परमप्रभु! जितः बचय् यानादीम्‍ह, जितः शरण बीम्‍ह! जिगु म्‍हुतुं पिहांवइगु खँग्‍वः व जिगु नुगःया प्रार्थना छितः ययेमा!

लूका 10:42

माःगु खँ छता हे जक दु। मरियमं व ल्‍यये धुंकल। थ्‍व वयागु ल्‍हातं लाकाकाये फइ मखु।”

लूका 11:2

अले वय्‌कलं इमित धयादिल – “छिमिसं थुकथं प्रार्थना या – “‘परमेश्‍वर बाः छिगु नां तःधना च्‍वनेमा। छिगु राज्‍य वयेमा।

लूका 6:12

छन्‍हु वय्‌कः पहाडय् प्रार्थना याः झाल। अबलय् चच्‍छिं हे वय्‌कलं परमेश्‍वरयात प्रार्थना यानादिल।

लूका 7:13

व मिसायात खनाः प्रभुयात माया वन। अले स्‍वये मफयाः वय्‌कलं धयादिल – “ख्‍वये मते।”

लूका 7:19

थ्‍व खँ न्‍यनाः वं निम्‍ह चेलातय्‌त प्रभुयात थथे धाय्‌के छ्वल – “झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वने मानि?”

लूका 9:18

छन्‍हु येशू याकःचा प्रार्थना यानाच्‍वंबलय् चेलात वल। अले वय्‌कलं इमिके न्‍यनादिल – “मनूतय्‌सं जितः सु धकाः धयाजुल?”

लूका 9:28

अथे धयादीगु च्‍यान्‍हु दय्‌काः पत्रुस, यूहन्‍ना व याकूबयात ब्‍वनाः येशू पर्वतया च्‍वय् प्रार्थना याः झाल।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

यहूदा 1:20

यःपिं पासापिं, छिमिसं जक परमेश्‍वरयात क्‍वात्तुक विश्‍वास याना च्‍वँ, अले पवित्र आत्‍मायागु शक्तिं सदां प्रार्थना याना च्‍वँ।