लूका 10:9 - नेवाः बाइबल

⁹ अन च्‍वंपिं उसाँय् मदया च्‍वंपिन्‍त लाय्‌काब्‍यु। अले इमित थथे धा – ‘परमेश्‍वरयागु राज्‍य छिमिगु न्‍ह्यःने वये धुंकल।’

लूका 10:9 ပူးပေါင်းရင်းမြစ်များ

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

मत्ती 3:2

थथे धकाः भिंगु खँ न्‍यंकाजुल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वःगु दु।”

मत्ती 4:17

उबलय् निसें वय्‌कलं थथे धकाः न्‍यंकादिल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वये धुंकल।”

मर्कूस 4:30

वय्‌कलं हानं धयादिल – “परमेश्‍वरयागु राज्‍य गथे च्‍वं धायेगु? थ्‍वयात ध्‍वाथुइकेत छु उखान छुइमाली?

मर्कूस 6:13

इमिसं यक्‍व भूतआत्‍मातय्‌त पितिनाछ्वल, यक्‍व उसाँय् मदुपिन्‍त चिकनं बुइकाः लाय्‌काबिल।

लूका 10:10

गुगुं नं शहरय् अन च्‍वंपिन्‍सं छिमित दुमकाल धाःसा छिमिसं लँय् वनाः थथे धा –

लूका 10:11

‘जिमिगु लाकामय् थाःगु छिमिगु शहरयागु धू तकं जिमिसं छिमिगु विरोधय् थाथा यानाच्‍वना। अथेसां छिमिसं थ्‍व खँ बांलाक सीकाति – परमेश्‍वरयागु राज्‍य न्‍ह्यःने थ्‍यने धुंकल।’

लूका 9:2

अले वय्‌कलं परमेश्‍वरयागु राज्‍ययागु खँ न्‍यंकेत व ल्‍वय् लाय्‌काबीत इमित छ्वयादिल।

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 3:5

वय्‌कलं लिसः बियादिल – “जिं छितः खःगु खँ धाये, मनूत लखं व परमेश्‍वरया आत्‍मां जन्‍म मजुइकं परमेश्‍वरयागु राज्‍यय् दुहां वने फइ मखु।

प्रेरित 28:28

“अले पावलं नं थथे धाल – परमेश्‍वरं थ्‍व मुक्ति यहूदीमखुपिन्‍त बियादीगु दु धकाः छिकपिन्‍सं सीकि, अले इमिसं न्‍यनाः विश्‍वास याइ।”

प्रेरित 28:31

थुकथं वं परमेश्‍वरयागु राज्‍ययागु खँ न्‍यंकाः प्रभु येशू ख्रीष्‍टयागु खँ स्‍यनाच्‍वन। वयात सुनानं पने मफु, अले वं मग्‍यासे थथे यानाच्‍वन।