लूका 10:6 - नेवाः बाइबल

⁶ व छेँय् च्‍वंपिं शान्‍ति यःपिं जूसा छिमिसं ब्‍यूगु शान्‍ति इमित लाइ। मयःपिं जूसा छिमिसं ब्‍यूगु शान्‍ति छिमिके तुं लिहां वइ।

लूका 10:6 ပူးပေါင်းရင်းမြစ်များ

भजनसंग्रहया सफू 35:13

अय्‌नं इपिं उसाँय् मदुबलय् जि दुःखं च्‍वना, जिं नयेगु त्‍वःता, जिं इमिगु निंतिं प्रार्थना याना।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

लूका 10:5

“न्‍ह्याम्‍हय्‌सिगु छेँय् दुहां वंसां छिमिसं न्‍हापालाक थथे धा – ‘थ्‍व छेँय् च्‍वंपिन्‍त शान्‍ति जुइमा।’

लूका 10:7

गुगु छेँय् दुहां वन, व हे छेँय् च्‍वनेगु या। इमिसं छु बिल व हे नयेत्‍वने याना च्‍वँ, छाय्‌धाःसा ज्‍या याःपिन्‍सं ज्‍याला काये हे माः। छेँखा पतिकं चाचाः हुला जुइ मते।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

याकूब 3:18

शान्‍ति बीम्‍हय्‌सिनं मिलय् यायेगु ज्‍यां भिंगु फल सय्‌की।

१ पत्रुस 1:14

वय्‌कलं धयादी थें च्‍वनाच्‍वँ। न्‍हापा मस्‍यूनिबलय् याना जू थें छिमिसं आः नं अज्‍याःगु मभिंगु ज्‍या याना जुइ मते।

१ शमूएल 25:17

आः छु यायेमाःगु खः छिं बांलाक बिचाः यानादिसँ छाय्‌धाःसा झी मालिक व वया परिवारय् पक्‍का हे नाश वयेत्‍यंगु दु। व तसकं लुच्‍चाम्‍ह मनू खः व नापं ला सुं नं मनू खँ तक नं ल्‍हाइ मखु।”