लूका 10:5 - नेवाः बाइबल

⁵ “न्‍ह्याम्‍हय्‌सिगु छेँय् दुहां वंसां छिमिसं न्‍हापालाक थथे धा – ‘थ्‍व छेँय् च्‍वंपिन्‍त शान्‍ति जुइमा।’

लूका 10:5 ပူးပေါင်းရင်းမြစ်များ

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

लूका 10:4

छिमिसं म्‍हिचा, धिबा, लाकां छुं हे ज्‍वनावने मते। लँय् सुयातं ज्‍वजलपा तकं धाये मते।

लूका 10:6

व छेँय् च्‍वंपिं शान्‍ति यःपिं जूसा छिमिसं ब्‍यूगु शान्‍ति इमित लाइ। मयःपिं जूसा छिमिसं ब्‍यूगु शान्‍ति छिमिके तुं लिहां वइ।

लूका 19:9

वय्‌कलं वयात धयादिल – “थौं थ्‍व छेँयागु उद्धार जुल, छाय्‌धाःसा छि नं ला अब्राहामया सन्‍तान खः नि।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

एफिसी 2:17

थथे यायेत वय्‌कलं परमेश्‍वरलिसे तापाना च्‍वंपिं व सत्तिना च्‍वंपिन्‍त नं शान्‍तियागु खँ न्‍यंकादिल।

१ शमूएल 25:6

छिमिसं वयात धयाब्‍यु, ‘छि, छिकपिनि परिवार अले छिनापं दुपिं सकलें मनूतय्‌गु भिं जुइमा। छिं थः फैतय्‌गु सँ चानाच्‍वंगु दु धयागु खँ जिं न्‍यनागु दु।