लूका 10:1 - नेवाः बाइबल

¹ अनंलि प्रभुं मेपिं न्‍हयेम्‍ह मनूतय्‌त ल्‍ययादिल। अले इमित निम्‍ह निम्‍ह यानाः थः वनेगु शहर व गां पतिकं थः स्‍वयाः न्‍हापा छ्वयादिल।

लूका 10:1 ပူးပေါင်းရင်းမြစ်များ

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

गन्‍ती 11:16

अले परमप्रभुं मोशायात धयादिल, “जिगु निंतिं छं इस्राएलीतय् धर्मगुरुत मध्‍ये मनूतय् नायःत व अधिकारीत खः धकाः थम्‍हं म्‍हस्‍यूपिं न्‍हयेम्‍हय्‌सित (७०) मुंकि। अले इमित नापलायेगु पालय् जिगु न्‍ह्यःने हयाः थःनापं तुं थँ।

लूका 1:17

परमेश्‍वरया च्‍यः जूगुलिं व एलिया थें तुं तसकं साहसी जुइ। अले वं प्रभु झायादी न्‍ह्यः मिलय् मजूपिं बौ व काय् म्‍ह्याय्‌पिन्‍त मिलय् याइ। अले हानं वं अधर्मीतय्‌त नं धर्मी यानाः प्रभु झाया दीबलय्‌यात तयार याना तइ।”

लूका 1:76

छ नं, जिमि काय्, दकलय् तःधंम्‍ह परमेश्‍वरया अगमवक्ता धकाः छन्‍त धाइ। उकिं छ प्रभुया न्‍ह्यः वय्‌कःयात लँ छिंकेत वनीम्‍ह जुइ।

लूका 7:13

व मिसायात खनाः प्रभुयात माया वन। अले स्‍वये मफयाः वय्‌कलं धयादिल – “ख्‍वये मते।”

लूका 7:19

थ्‍व खँ न्‍यनाः वं निम्‍ह चेलातय्‌त प्रभुयात थथे धाय्‌के छ्वल – “झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वने मानि?”

लूका 9:52

वय्‌कलं थःपिं स्‍वयाः न्‍ह्यः हे सुं मनूतय्‌त छ्वयादिल। इमिसं सामरीतय्‌गु गामय् वनाः वय्‌कःपिन्‍त थाय्‌बाय् माल।