लूका 1:9 - नेवाः बाइबल

⁹ उबलय् इमिगु चलन कथं चिट्ठा तःबलय् देगलय् दुहां वनाः गुँगू थनेगु ज्‍या वयात लाःगुलिं व देगलय् दुहां वन।

लूका 1:9 ပူးပေါင်းရင်းမြစ်များ

१ इतिहास 23:13

अम्रामया काय्‌पिं – हारून व मोशा। हारूनयात ब्‍यागलं तःगु खः। व अले वया सन्‍तानयात न्‍ह्याबलेंया लागि तच्‍वकं पवित्रगु सामान देछायेत, परमप्रभुया न्‍ह्यःने बलि छायेत, वय्‌कःया न्‍ह्यःने सेवा यायेत अले न्‍ह्याबलेंया लागि वय्‌कःया नामय् मनूतय्‌त सुवाः बीत ब्‍यागलं तःगु खः।

१ इतिहास 6:49

अय्‌नं हारून व वया सन्‍तानतय्‌त जक होमबलिया वेदीइ होमबलि छायेगु व गुँगू थनेगु वेदीइ गुँगू थनेगु अनुमति दु। महा-पवित्र थासय् याइगु फुक्‍क आराधनाया ज्‍या व फुक्‍क इस्राएलया पाप प्रायश्‍चित यायेत होमबलि छायेगु ज्‍या इमिगु जिम्‍माय् खः। परमेश्‍वरया दास मोशां ब्‍यूगु आज्ञाकथं इमिसं व फुक्‍क ज्‍या याइगु।

२ इतिहास 26:16

तर उज्‍जियाह बल्‍लायेधुंकाः वयागु घमण्‍डं वयात नाश यात। वं गुँगू थनेगु वेदीइ गुँगू थनेत परमप्रभुया देगलय् दुहां वनाः परमप्रभु थः परमेश्‍वरया विरोधय् अपराध यात।

२ इतिहास 29:11

जिमि काय्‌पिं, आः ई सितिकं छ्वये मते। छाय्‌धाःसा परमप्रभुं वय्‌कःया न्‍ह्यःने दनाः वय्‌कःया सेवा यायेत, वय्‌कःया न्‍ह्यःने ज्‍या यायेत व गुँगू थनेत छिमित ल्‍ययादीगु दु।”

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

मत्ती 27:5

वं वहःयागु म्‍वहः देगलय् वान्‍छ्वया थकल। अले वनाः यग्‍गानाः सित।

हिब्रू 9:6

थ्‍व फुक्‍क थुकथं दय्‌काः पुजाहारीत न्‍हिं न्‍हिं पवित्रगु थासय् सेवा यायेत वनी।

१ शमूएल 2:28

जिं इस्राएलया फुक्‍क कुल मध्‍ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्‍ह्यःने पुजाहारीया भिंगु सूती कापःया वसः फिनाः वयेत ल्‍ययागु खः। इस्राएलया फुक्‍क विशेष देछा छिमि पुर्खातय्‌गु निंतिं अलग तयाबिया।