लूका 1:8 - नेवाः बाइबल

⁸ छकः यरूशलेमय् च्‍वंगु देगलय् पुजाहारीयागु ज्‍या यायेत वयागु पुचलय् लाःपिं पुजाहारीतनापं जकरिया नं यरूशलेमय् थ्‍यंकः वल।

लूका 1:8 ပူးပေါင်းရင်းမြစ်များ

१ इतिहास 24:19

परमप्रभु इस्राएलयाम्‍ह परमेश्‍वरयागु आज्ञा मानाय् यानाः इमि पुर्खा हारूनं पलिस्‍था यानाथकूगु थ्‍व नियमकथं इपिं परमप्रभुया देगलय् थःगु सेवाया ज्‍या याः वनीबलय् इमिगु ज्‍या थ्‍व हे खः।

१ इतिहास 24:2

नादाब व अबीहू धाःसा थः बौ स्‍वयां न्‍हापा हे सित, इमि सुं काय्‌पिं मदु। उकिं एलाजार व ईतामार पुजाहारीया ज्‍या यात।

२ इतिहास 11:14

अले लेवीत थथःगु घाँय् दुगु ख्‍यः व सम्‍पत्ति त्‍वःताः यहूदा व यरूशलेमय् च्‍वंवल, छाय्‌धाःसा इस्राएलया जुजु यारोबाम व वया काय्‌पिन्‍सं इमित परमप्रभुया पुजाहारी जुयाः सेवा याके मब्‍यू।

२ इतिहास 31:19

भाग बीत हारून वंशयापिं मनूत नं नांकथं ल्‍यल, लेवीतय्‌गु वंशावलीइ नां च्‍वयातःपिं वया परिवारयापिं मिजंपिं व मिजंमस्‍त नं ल्‍यल। थुपिं पुजाहारीत व इमि सन्‍तानतय्‌सं थ्‍व भाग इमिगु थथःगु शहरय् व उपिं शहरया जःखः च्‍वंगु ख्‍यलय् काल।

२ इतिहास 31:2

अनंलि हिजकियां पुजाहारीत व लेवीतय्‌त इमिगु पुचः पुचःकथं व छम्‍ह छम्‍ह मनूयात वयागु सेवाकथं परमप्रभुया देगलय् यायेगु ज्‍याया जिम्‍मा बिल, होमबलि व मेलबलि छायेगु व देगःया लुखा लुखाय् सुभाय् व प्रशंसा बीगु।

२ इतिहास 8:14

दाऊदं आज्ञा ब्‍यू थें वं पुजाहारीतय्‌त सेवाया ज्‍या यायेत पुचः पुचः यानाः पलिस्‍था यात। लेवीतय्‌त नं इमिगु प्रशंसा याय्‌गु ज्‍या व न्‍हियान्‍हिथं पुजाहारीतय्‌त ग्‍वाहालि बीगु ज्‍या बियातःगु दु। वं ध्‍वाखा पिवाःतय्‌गु ज्‍या याइपिं पुचः पुचःकथं तयातःगु दु। सोलोमनं परमेश्‍वरया मनू दाऊदं आज्ञा ब्‍यू थें फुक्‍क अथे हे यानातःगु दु।

एज्रा 6:18

अले इमिसं मोशाया सफुलिइ च्‍वया तः थें यरूशलेमय् देगलय् सेवा यायेत पुजाहारीत व लेवीतय्‌गु थीथी पुचः दय्‌कल।

प्रस्‍थान 28:1

“छं इस्राएलीतय् दथुं छिमि दाजु हारून व वया काय्‌पिं नादाब, अबीहू, एलाजार व ईतामारयात जिगु निंतिं पुजाहारीया ज्‍या यायेत थःथाय् हजि।

प्रस्‍थान 28:41

छं थ्‍व वसः थः दाजु हारून व वया काय्‌पिन्‍त फिकाः इमित अभिषेक या। इमित पवित्र या। थथे इमित पलिस्‍था याये धुंकाः इमिसं पुजाहारी जुयाः जिगु सेवा याये फइ।

प्रस्‍थान 29:1

“हारून व वया काय्‌पिन्‍त जिगु सेवा यायेत पलिस्‍था यायेबलय् छं यायेमाःगु ज्‍या थ्‍व हे खः, छम्‍ह खू मदुम्‍ह द्वहंचा व निम्‍ह खू मदुपिं भ्‍याःचा हजि।

प्रस्‍थान 29:44

“थुकथं जिं नापलायेगु पालयात व वेदीयात पवित्र याये। अले हारून व वया काय्‌पिन्‍त जिगु निंतिं पुजाहारी जुयाः सेवा याकेत अभिषेक याये।

प्रस्‍थान 29:9

अले जँनी चिकाः इमित बेतालि हिनाब्‍यु। थुगु ज्‍यापाखें हारूनया सन्‍तानतय्‌सं पुजाहारीया सेवा न्‍ह्याबलें यायेमाः। थुकथं छं हारून व वया काय्‌पिन्‍त अभिषेक या।

प्रस्‍थान 30:30

“हारून व वया काय्‌पिन्‍त अभिषेक यानाः पवित्र या। इमिसं पुजाहारी जुयाः जिगु सेवा यायेमाः।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

लूका 1:5

यहूदियाय् हेरोद जुजु जुयाच्‍वंबलय् अबिया कुलयाम्‍ह जकरिया धाःम्‍ह छम्‍ह पुजाहारी दु। एलीशिबा धाःम्‍ह वया कलाः नं अथे हे हारून पुजाहारीया कुलयाम्‍ह खः।

लूका 1:7

इमि मस्‍त मदु, छाय्‌धाःसा एलीशिबा थारिम्‍ह मिसा खः। अले हानं इपिं निम्‍हं बुराबुरी जुइ धुंकल।