लूका 1:7 - नेवाः बाइबल

⁷ इमि मस्‍त मदु, छाय्‌धाःसा एलीशिबा थारिम्‍ह मिसा खः। अले हानं इपिं निम्‍हं बुराबुरी जुइ धुंकल।

लूका 1:7 ပူးပေါင်းရင်းမြစ်များ

उत्‍पत्ति 17:17

अब्राहाम बँय् भ्‍वपुल। अले मनं मनं थथे धयाः न्‍हिल, “सच्‍छिदँ (१००) दुम्‍ह मनूपाखें नं सन्‍तान दइ ला? गुइदँ दये धुंकाः नं सारां मचा बुइकी ला?”

उत्‍पत्ति 18:11

अब्राहाम व सारा तसकं बुराबुरी जुइ धुंकल। साराया मचाबुइकेगु ई नं पुलेधुंकल।

उत्‍पत्ति 25:21

रिबेका थारिम्‍ह मिसा जूगुलिं इसहाकं परमप्रभुयात वयापाखें मचा दय्‌काबीत प्रार्थना यात। परमप्रभुं वयागु प्रार्थना न्‍यनादिल। अले रिबेकाया प्‍वाथय् दत।

उत्‍पत्ति 30:1

राहेलं याकूबयात मचा बुइकाबी मफुगुलिं वया थः ततालिसे नुगः मुल। अले वं याकूबयात धाल, “जितः नं मस्‍त दय्‌काब्‍यु। मखुसा जि सिनावने।”

१ राजा 1:1

जुजु दाऊद यक्‍व बुरा जुल। वयात न्‍ह्याक्‍व हे फांगा फाय्‌काब्‍यूसां वयागु म्‍ह मक्‍वाः।

२ राजा 4:14

लिपा एलीशां गेहजीयात न्‍यन, “अथेसा जिं वयागु लागि यायेमाःगु छुं हे मदु ला?” गेहजीं लिसः बिल, “वया काय् मदुनि, भाःतम्‍ह धाःसा बुरा जुइ धुंकल।”

लूका 1:5

यहूदियाय् हेरोद जुजु जुयाच्‍वंबलय् अबिया कुलयाम्‍ह जकरिया धाःम्‍ह छम्‍ह पुजाहारी दु। एलीशिबा धाःम्‍ह वया कलाः नं अथे हे हारून पुजाहारीया कुलयाम्‍ह खः।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

लूका 1:8

छकः यरूशलेमय् च्‍वंगु देगलय् पुजाहारीयागु ज्‍या यायेत वयागु पुचलय् लाःपिं पुजाहारीतनापं जकरिया नं यरूशलेमय् थ्‍यंकः वल।

रोमी 4:19

वयागु म्‍ह सी धुंकूम्‍हय्‌सिगु थें सुकूगना वंसां, छाय्‌धाःसा व थुबलय् सछि दँ दइन, अले हानं सारायागु प्‍वाथय् दये फइ थें मच्‍वंसां व विश्‍वासं छप्‍ति हे लिमची।

हिब्रू 11:11

विश्‍वासं हे बुरा जुइ धुंकाः नं अब्राहाम अबु जुइ फत। बाचा चिनादीम्‍ह परमेश्‍वरयात विश्‍वास याःगुलिं बुरी जुइ धुंकूसां साराया प्‍वाथय् दत।

१ शमूएल 1:2

हन्‍नाह व पनिन्‍नाह नांयापिं वया निम्‍ह कलाःपिं दु। पनिन्‍नाहया काय्‌म्‍ह्याय्‌पिं दु, हन्‍नाह धाःसा सुं मचाखाचा मदुम्‍ह खः।