लूका 1:52 - नेवाः बाइबल

⁵² वय्‌कलं बल्‍लाःपिं जुजुपिन्‍त सिंहासनं क्‍वकयादिल, अले चिधंपिन्‍त च्‍वय् छ्वयादिल।

लूका 1:52 ပူးပေါင်းရင်းမြစ်များ

उपदेशक 4:14

चाहे व ल्‍याय्‌म्‍हम्‍ह झ्‍यालखानां पिहां वया जुजु जूम्‍ह जुइमा वा राज्‍यय् चीमि जुयाः बुया जुजु जूम्‍ह जुइमा।

इजकिएल 17:24

गुँयागु फुक्‍क सिमातय्‌सं तःमागु सिमायात चीमागु याइम्‍ह, चीमागु सिमायात तःमागु याइम्‍ह, वाउँगु सिमायात गंकाबीम्‍ह अले गंगु सिमायात वाउँकाबीम्‍ह जि परमप्रभु हे खः धकाः गुँयागु फुक्‍क सिमातय्‌सं सी। “‘जि परमप्रभुं हे धयागु खः, व जिं या हे याये।’”

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

मर्कूस 6:3

थ्‍व सिँकःमि, मखु ला? थ्‍वया मां मरियम, थ्‍वया किजापिं याकूब, योसेफ, यहूदा व सिमोन, मखु ला? थ्‍वया केहेँपिं नं थन हे दु, मखु ला?” अथे जुया इमिसं वय्‌कःयात पत्‍याः मयात।

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

लूका 18:14

वय्‌कलं धयादिल – “जिं छिकपिन्‍त धाये – व फरिसी स्‍वयाः थ्‍व मनू हे परमेश्‍वरया न्‍ह्यःने धर्मी ठहरय् जुयाः लिहां वन। सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

याकूब 4:10

परमेश्‍वरया न्‍ह्यःने चिधं जु। अले जक छिमित वय्‌कलं तःधंकादी।

१ शमूएल 2:4

“तसकं बल्‍लाःपिनिगु धनु त्‍वधूगु दु, तर लुफिं हानाः क्‍वःदपिन्‍सं बल काये खंगु दु।