लूका 1:3 - नेवाः बाइबल

³ हनेमाःम्‍ह थियोफिलस, थ्‍व खँ नं जिं शुरुंनिसें बांलाक सीका थुइका तयागुलिं छितः कथंहंक च्‍वयेगु हे बांलाः ताल।

लूका 1:3 ပူးပေါင်းရင်းမြစ်များ

भजनसंग्रहया सफू 40:5

हे परमप्रभु जि परमेश्‍वर! छिं जिमिगु निंतिं यक्‍व हे अजू चायापुगु ज्‍या यानादीगु दु। छिं जिमिगु निंतिं ल्‍याः खानां ल्‍याः खाये मफयेक अजू चायापुगु ग्‍वसाः ग्‍वयादीगु दु। छि थें ज्‍याःम्‍ह सुं हे मदु। छिं यानादीगु ज्‍या कन धाःसा गुबलें नं सिधइ मखु।

भजनसंग्रहया सफू 50:21

छं थथे याःसां जिं छुं मधया। जि नं छ थें हे खः धकाः छं मतिइ तल। आः जिं छन्‍त द्वपं बी, अले छंगु छता छता दोष उलाः क्‍यने।

हितोपदेश 22:21

छिमिसं सत्‍य खँ थुइमा, अले छिमिथाय् न्‍यंके छ्वयाहइपिन्‍त थुइकाः बी फयेमा धकाः च्‍वयाबियागु मखु ला?

उपदेशक 12:9

उपदेशक बुद्धि दुम्‍ह जक मखु, तर वं मनूतय्‌त ज्ञानया खँ नं स्‍यनेगु यात। वं बांलाक बिचाः यात अले जाँचय् यानाः उखानयात झ्‍वःलाक तयाबिल।

लूका 1:1

यःम्‍ह थियोफिलस, जिमिगु न्‍ह्यःने जूगु खँ ला यक्‍वसिनं हे च्‍वःगु दु।

प्रेरित 1:1

हनेमाःम्‍ह थियोफिलस, जिगु न्‍हापांयागु सफुलिइ येशू ख्रीष्‍टं यानादीगु व स्‍यनादीगु फुक्‍क खंनिसें कयाः

प्रेरित 11:4

अले वं छगू छगू दतले जूगु खँ फुक्‍कं इमित थुकथं कन –

प्रेरित 15:19

“अय्‌जूगुलिं परमेश्‍वरपाखे स्‍वया वःपिं यहूदीमखुपिन्‍त झीसं दुःख बी मज्‍यू धयागु जिगु धापू दु।

प्रेरित 15:25

अय्‌जूगुलिं थन च्‍वंगु मण्‍डलीयापिं फुक्‍कं मुनाः निम्‍ह मनूयात ल्‍ययाः झी यःपिं पावल व बारनाबास नाप छ्वयाहयेगु भिं ताल।

प्रेरित 15:28

“मयासें मगाःगु ला याये हे माल, थ्‍व बाहेक छिकपिन्‍त मेगु म्‍वाःमदुगु कु क्‍वमबीकेगु हे जिमित व पवित्र आत्‍मायात भिं ताल।

प्रेरित 18:23

लिपा व हानं गलातिया व फ्रिगिया वनाः थाय् थासय् च्‍वंपिं विश्‍वासीतय्‌त साहस बियाः विश्‍वासय् बल्‍लाका थकल।

प्रेरित 23:26

“हनेमाःम्‍ह तःधंम्‍ह हाकिम फेलिक्‍सजु, क्‍लौडियस लुसियसपाखें ज्‍वजलपा।

प्रेरित 24:3

थ्‍व खँ जिमिसं न्‍ह्याबलें न्‍ह्याथाय् नं मानय् याना वयाच्‍वनागु दु। अले थुकिया निंतिं जिमिसं छसपोलयात सुभाय् बियाच्‍वनागु दु।

प्रेरित 26:25

अले पावलं धाल – “हनेमाःम्‍ह फेस्‍तस, जि वें जूगु मखु। जिं ला सत्‍य खँ हे ल्‍हाना च्‍वनागु दु।

१ कोरिन्‍थी 16:12

किजा अपोल्‍लोसयात जिं मेपिं दाजुकिजापिं नाप आम्‍कन छ्वयाहयेत तःकः धायेधुन, अय्‌नं वं वये मंमदय्‌का च्‍वन। लिपा लात धाःसा व वइ।

१ कोरिन्‍थी 7:40

जिगु बिचाःकथं भाःत मदये धुंकूम्‍ह मिसां ब्‍याहा मयासें च्‍वनाच्‍वने फुसा सुख जुइ। अथेसां जिं स्‍वयेबलय् ला जिके नं पवित्र आत्‍मा दी।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।