लेवी 9:4 - नेवाः बाइबल

⁴ अले मेलबलिया लागिं छम्‍ह द्वहं व छम्‍ह भ्‍याःचा, चिकनं बुलातःगु अन्‍नबलि नापं परमप्रभुयाथाय् बलिया लागिं हजि। छाय्‌धाःसा परमप्रभु थौं छिमिथाय् खनेदय्‌कः झाइ।’”

लेवी 9:4 ပူးပေါင်းရင်းမြစ်များ

प्रस्‍थान 16:10

हारूनं इस्राएलया फुक्‍क खलःयात थथे धयाच्‍वंबलय् इमिसं मरुभूमिपाखे स्‍वल। अन सुपाँचय् परमप्रभुया महिमा खने दयाच्‍वन।

प्रस्‍थान 19:11

अले इपिं स्‍वन्‍हु खुन्‍हु तक तयार जुइमाः। छाय्‌धाःसा थनिं स्‍वन्‍हु लिपा परमप्रभु सीनै पर्वतय् सकसिनं खंक झाइ।

प्रस्‍थान 24:16

परमप्रभुया जः सीनै पर्वतय् च्‍वन। अले सुपाँचं खुन्‍हु तक पर्वतयात त्‍वपुया तल। न्‍हय्‌न्‍हु खुन्‍हु परमप्रभुं सुपाँचं मोशायात सःतादिल।

प्रस्‍थान 29:43

इस्राएलीत नापं जि व हे थासय् नापला वये। अले व थाय् जिगु महिमां पवित्र जुइ।

इजकिएल 43:2

अले जिं इस्राएलया परमेश्‍वरया महिमा पुर्बपाखें वयाच्‍वंगु खना। वय्‌कःया सः यक्‍व लःयागु थें च्‍वं, वय्‌कःया महिमां जमिन प्‍वालप्‍वाल थित।

इजकिएल 43:27

न्‍हय्‌न्‍हु फुइ धुंकाः च्‍यान्‍हु दुखुन्‍हुंनिसें पुजाहारीतय्‌सं वेदीइ छिमिगु होमबलि व मेलबलि छायेगु यायेमाः। अले जिं छिमित स्‍वीकार याये, परमप्रभु परमेश्‍वरं धयादी।”

लेवी 2:1

“‘सुनानं परमप्रभुया निंतिं अन्‍नबलि छाःसा भिंगु छुचुं हयेमाः। उकी जैतूनया चिकं प्‍वंकाः धुपाँय्‌ तयेमाः।

लेवी 3:1

“‘सुनानं परमप्रभुयात सा वा द्वहं मेलबलि छाल धाःसा व पशु खू मदुम्‍ह जुइमाः।

लेवी 9:23

अनंलि मोशा व हारून पवित्र पाल दुने दुहां वन, अले पिहां वयाः मनूतय्‌त आशिष बिल। अले परमप्रभुया महिमा फुक्‍क मनूतय्‌गु न्‍ह्यःने खनेदत।

लेवी 9:3

अले इस्राएलीतय्‌त धा, ‘पापबलिया लागिं छम्‍ह दुगु व होमबलिया लागिं दच्‍छि दुम्‍ह व खू मदुम्‍ह द्वहंचा व चिधिकःम्‍ह भ्‍याःचा छम्‍ह छम्‍ह ज्‍वँ।

लेवी 9:5

मोशां उजं ब्‍यू थें इमिसं फुक्‍क ज्‍वलं नापलायेगु पालया ध्‍वाखाय् हल, अले फुक्‍क मनूत परमप्रभुया न्‍ह्यःने दं वल।

लेवी 9:6

मोशां धाल, “परमप्रभुं उजं बियादीगु छिमिसं यायेमाःगु ज्‍या थ्‍व हे खः गुकिं यानाः परमप्रभुया महिमा छिमिथाय् खनेदइ।”

गन्‍ती 14:10

अय्‌नं थ्‍व न्‍यनाः फुक्‍क खलः इमित ल्‍वहँतं कय्‌कि धकाः हाला हल। अबलय् हे परमप्रभुया महिमा पवित्र पालय् फुक्‍क इस्राएलीतय्‌थाय् खनेदत।

गन्‍ती 16:19

कोरहं फुक्‍क खलःयात इमिगु विरोधय् नापलायेगु पालया ध्‍वाखाय् मुंकल। उबलय् परमप्रभुया महिमा फुक्‍क खलःयाथाय् खनेदत।