24 उबलय् हे परमप्रभुयापाखें मि पिहां वयाः वेदीइ च्वंगु होमबलि व दाःयात भस्म यात। थ्व खनाः मनूत तःसलं हालाः बँय् भ्वसुल।
निभाः बिनाः खिउँसे च्वन। अबलय् अब्रामं निब्व थलाः तयातःगु लाया दथुं कुँ पिहां वयाच्वंगु छगः मकः व च्यानाच्वंगु मिप्वाः छप्वाः वंगु खन।
अब्राम बँय् भ्वपुल। परमेश्वरं धयादिल,
हिजकियां परमप्रभुयात थथे प्रार्थना यात, “हे परमप्रभु, इस्राएलया परमेश्वर, करूबतय् दथुइ सिंहासनय् च्वनादीम्ह, छि हे जक संसारया फुक्क राज्ययाम्ह परमेश्वर खः। छिं स्वर्ग व पृथ्वी दय्कादिल।
अन वं परमप्रभुया निंतिं छगू वेदी दय्काः होमबलि व मेलबलि छायाः तसलं परमप्रभुया नां कयाः प्रार्थना यात। अले परमप्रभुं स्वर्गं होमबलिया वेदीइ मि छ्वयाहयाः लिसः बियादिल।
आः छि न्ह्याबलें च्वनादीत जिं छगः तःजिगु देगः दय्कागु दु।”
इमिसं परमप्रभुयात प्रशंसा यानाः व सुभाय् बियाः थथे धकाः भजन हाल, “वय्कः भिंम्ह खः, इस्राएलया निंतिं वय्कःया दयामाया सदां दयाच्वनी न्ह्याबलें दयाच्वनी।” अले सकलें मनूतय्सं तसलं हालाः परमप्रभुयात तःधंकल, छाय्धाःसा देगःया जग तये धुंकूगु खः।
हे इस्राएलया फैजवाः, जिमिगु खँ न्यनादिसँ। छिं हे योसेफया सन्तानयात फैबथांयात थें ज्वयादीगु खः। पपू दुपिं करूबतय् दथुइ च्वनादीम्ह हे परमेश्वर, मनूतय्त थःगु जः क्यनादिसँ।
अन छगू झाःया दथुइ मि जलय् परमप्रभुया दूत खनेदत। मोशां व झालय् मि च्यानाच्वंसां झाः छुं मजूगु खन।
उकिं परमप्रभुयापाखें मि पिहां वयाः इमित परमप्रभुया न्ह्यःने स्यानाबिल।
वेदीइ मि मदिक्क च्याना हे च्वनेमाः, व गुबलें हे सी मज्यू।
मोशा व हारून इस्राएलया फुक्क खलःया न्ह्यःने क्वपुसां पुल।
अले मोशा व हारूनं बँय् भ्वपुयाः धाल, “हे परमेश्वर, फुक्क प्राणीतय्त सासः बियादीम्ह परमेश्वर, छम्ह मनुखं पाप याःगुलिं छु छि फुक्क खलःलिसें तं चायादियागु ला?”
याकूबय् छुं मभिंगु खने मदु। अले इस्राएलय् छुं दुःख खने मदु। परमप्रभु इमि परमेश्वर इपिं नापं दी, इमिसं इमि जुजुया जय जुइमा धकाः च्वय्काच्वंगु दु।
अले भचा उखे झायाः बँय् क्वपुसां पुयाः थथे धकाः प्रार्थना यानादिल – “बाः, ज्यूसा थ्व दुःखयागु ख्वला जिथासं चीकादिसँ। अय्नं जितः यःथें यानादी मते, छितः यःथें हे यानादिसँ।”
सिंहासनय् फ्यतुनादीम्ह न्ह्याबलें म्वाना च्वनीम्हय्सिगु महिमा, हनाबना व सुभाय्या म्ये इपिं जीवात्मातय्सं हालाच्वन।
थुकथं वं थ्व भ्वंथू काये धुंकाः प्यम्ह जीवात्मा व निइप्यम्ह थकालिपिं चीधिकःम्ह भ्याःचायागु न्ह्यःने क्वछुत। इपिं फुक्कसिके वीणा व गुँगू थनातःगु लुँयागु मकः दु। थ्व विश्वासीतय्गु प्रार्थना खः।
फुक्क स्वर्गदूतत सिंहासन, थकालिपिं व प्यम्ह जीवात्मातय्गु चाकःछिं दनाच्वन। थुपिं फुक्कसिनं सिंहासनयागु न्ह्यःने भागियानाः थथे धकाः परमेश्वरयात तःधंकल।
तर वया कलातं वयात धाल, “परमप्रभुं झीत स्यायेगु बिचाः यानादीगु खःसा वय्कलं झीगु ल्हातं होमबलि व अन्नबलि नाला कयाः हे दीमखुनि। अले थज्याःगु खँ झीत क्यना हे दीमखुनि, अले फुक्क खँ झीत उबलय् कना हे दीमखुनि।”
अले परमप्रभुया दूतं थःगु ल्हातय् दुगु कथि न्ह्यज्याकाः ला व सोडा मदुगु मरि थिल। ल्वहँतं ह्वात्त मि पिहां वयाः मरि व लायात भस्म यात। अले परमप्रभुया दूत खने मदयावन।