11 ला व छेंगूयात वं छाउनी पिने मिइ छ्वय्काबिल।
पुजाहारीं व द्वहंयात छाउनी पिने यंकाः न्हापांयाम्हय्सित छ्वय्कू थें छ्वय्केमाः। थ्व इस्राएलया फुक्क मनूतय्गु निंतिं पापबलि खः।
परमप्रभुं मोशायात उजं बियादी थें वं द्वहंयागु छेंगू, ला व सौ नापं छाउनी पिने यंकाः मिं छ्वय्काबिल।
पापबलिया दाः, जलासेँ व सेँया भिंगु ब्वयात वं परमप्रभुं मोशायात उजं बियादी थें वेदीइ छ्वय्काबिल।
अनंलि हारूनं होमबलिया पशु स्यात, वया काय्पिन्सं हि वयागु ल्हातय् बिल, अले वं थुकियात वेदीया जःखः छ्वाकल।
