लेवी 9:10 - नेवाः बाइबल

¹⁰ पापबलिया दाः, जलासेँ व सेँया भिंगु ब्‍वयात वं परमप्रभुं मोशायात उजं बियादी थें वेदीइ छ्वय्‌काबिल।

लेवी 9:10 ပူးပေါင်းရင်းမြစ်များ

भजनसंग्रहया सफू 51:17

ख्‍वःगु नुगः हे परमेश्‍वरया निंतिं ल्‍वःगु बलि खः। हे परमेश्‍वर, ख्‍वःगु व पस्‍ताय् चाःगु नुगःयात छिं मयय्‌कादी मखु,

प्रस्‍थान 29:13

अले छं आतापति भ्‍वरि त्‍वपुइगु फुक्‍क दाः, सेँ त्‍वपुइगु पिलि व दाःनापया निगलं जलासेँ कयाः वेदीइ छ्वय्‌की।

हितोपदेश 23:26

हे जिमि काय्! थःगु नुगः जितः ब्‍यु। अले थःगु मिखा जिगु लँय् लाकि।

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

लेवी 9:11

ला व छेंगूयात वं छाउनी पिने मिइ छ्वय्‌काबिल।

लेवी 9:9

वया काय्‌पिन्‍सं हि वयागु ल्‍हातय् बिल। वं हिइ थःगु पतिंचा थुनाः वेदीया नेकुलिइ तिकल। अले ल्‍यं दुगु हि फुक्‍क वेदीया तःलय् प्‍वंकाबिल।