लेवी 8:8 - नेवाः बाइबल

⁸ अनं लिपा वं हारूनयात छातिपाता फिकाः उकी हे ऊरीम व तुम्‍मीम तयाबिल।

लेवी 8:8 ပူးပေါင်းရင်းမြစ်များ

एज्रा 2:63

अले राज्‍यपालं दकलय् तःधंम्‍ह पुजाहारीं “ऊरीम” व “तुम्‍मीम” छ्यलाः परमप्रभुयाके छु यायेगु धकाः मन्‍यंतले इमित तसकं पवित्र नसां छुं नं नये मते धकाः धाल।

नहेम्‍याह 7:65

उकिं राज्‍यपालं दकलय् तःधंम्‍ह पुजाहारीं “ऊरीम” व “तुम्‍मीम” छ्यलाः परमप्रभुयाके छु यायेगु धकाः मन्‍यंतले इमित तसकं पवित्र नसा छुं नं नये मते धकाः धाल।

प्रस्‍थान 29:1

“हारून व वया काय्‌पिन्‍त जिगु सेवा यायेत पलिस्‍था यायेबलय् छं यायेमाःगु ज्‍या थ्‍व हे खः, छम्‍ह खू मदुम्‍ह द्वहंचा व निम्‍ह खू मदुपिं भ्‍याःचा हजि।

श्रेष्‍ठगीत 8:6

जितः छिगु नुगलय् छाप थें तयादिसँ, छिसं जि बाहेक मेपिं सुयातं घय्‌पुनादीमते। छाय्‌धाःसा माया मृत्‍यु थें तसकं बल्‍लाः, प्‍याःचाः पाताल थें जिद्दी। व मिप्‍वाः थें जुयाः पिहां वइ, अले च्‍यानाच्‍वंगु मि थें ह्वानाः ह्वानाः च्‍याइ।

यशैया 59:17

वय्‌कलं धार्मिकताया छाती-पाता, व छेनय् मुक्तिया तपुलि पुयादिल। अले वय्‌कलं ब्‍वला काइगु वसः पुयादिल, अले जोसयात लं थें पुनादिल।

गन्‍ती 27:21

यहोशू पुजाहारी एलाजारया न्‍ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्‍यनेगु यायेमाः। यहोशूयागु हे उजंकथं फुक्‍क इस्राएलीत व नापं हे वयेगु व वनेगु यायेमाः।”

एफिसी 6:14

उकिं न्‍ह्यचिला च्‍वँ। सत्‍ययागु जनी क्‍वातुक्‍क चिना च्‍वँ, धार्मिकताया छातिपाता घानाः तयार जु।

व्‍यवस्‍था 33:8

लेवी कुलया बारे वं धाल, “छिगु तुम्‍मीम व ऊरीम छितः यःपिं लेवीया सन्‍तानतय्‌गु ल्‍हातय् बियादीगु दु। छिं इमित मस्‍साहय् जाँचय् यानादिल, छिं इपिंलिसें मरीबाया लखय् ल्‍वानादिल।

१ थेसलोनिकी 5:8

झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।

१ शमूएल 2:28

जिं इस्राएलया फुक्‍क कुल मध्‍ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्‍ह्यःने पुजाहारीया भिंगु सूती कापःया वसः फिनाः वयेत ल्‍ययागु खः। इस्राएलया फुक्‍क विशेष देछा छिमि पुर्खातय्‌गु निंतिं अलग तयाबिया।

१ शमूएल 28:6

अले शाऊलं परमप्रभुयाके न्‍यन, “जिं छु यायेगु?” तर परमप्रभुं वयात नं म्‍हगसपाखें, नं “ऊरीमं” नं अगमवक्तातपाखें छुं नं लिसः बियादिल।