लेवी 8:6 - नेवाः बाइबल

⁶ अले मोशां हारून व वया काय्‌पिन्‍त हयाः विधिकथं म्‍वःल्‍हुइकल।

लेवी 8:6 ပူးပေါင်းရင်းမြစ်များ

भजनसंग्रहया सफू 26:6

जिं थः दोष मदुम्‍ह धकाः क्‍यनेत ल्‍हाः सिले, हे परमप्रभु! छिगु वेदीइ वयाः चाःहुलाः

भजनसंग्रहया सफू 51:2

जिगु फुक्‍क अधर्मयात सिलादिसँ, अले जिगु पापं जितः शुद्ध यानादिसँ।

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

प्रस्‍थान 29:4

अनंलि हारून व वया काय्‌पिन्‍त नापलायेगु पालया ध्‍वाखा लिक्‍क हयाः म्‍वःल्‍हुकि।

प्रस्‍थान 30:19

उकी हारून व वया काय्‌पिन्‍सं थथःगु ल्‍हाःतुति सिलेमाः।

प्रस्‍थान 30:20

इपिं पवित्र पालय् दुहां वनीबलय् वा वेदीया लिक्‍क विशेष देछा छ्वय्‌केत वनीबलय् इमिसं थथःगु ल्‍हाःतुति सिलेमाः। मखुसा इपिं सी। थ्‍व हारून व वया लिपा वइपिं सन्‍तानयात तकं सदांया नियम जुल।”

प्रस्‍थान 40:12

“अनंलि हारून व वया काय्‌पिन्‍त नापलायेगु पालया ध्‍वाखा दुने हयाः इमित म्‍वःल्‍हुकि।

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

लेवी 16:4

अले वं म्‍ह छम्‍हं म्‍वःल्‍हुयाः सूती कापःया लंसुर्वाः फिनाः, तुयुगु विशेष कापःया हे दुवसः, सूती कापःया जनी चिनाः सूती कापःया बेतालि पुयाः वयेमाः। थ्‍व पवित्र वसः खः।

लेवी 8:5

मोशां इमित धाल, “परमप्रभुं या धकाः उजं बियादीगु ज्‍या थ्‍व हे खः।”

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।