लेवी 8:30 - नेवाः बाइबल

³⁰ अले मोशां अभिषेकया भतिचा चिकं व वेदीं हि भतिचा कयाः हारून व वया वसतय् अले वया काय्‌पिं व इमिगु वसतय् नापं छ्वाकल। थथे वं हारून व वया काय्‌पिनिगु वसः नापं शुद्ध यानाबिल।

लेवी 8:30 ပူးပေါင်းရင်းမြစ်များ

प्रस्‍थान 28:2

छं छिमि दाजु हारूनया निंतिं पवित्रगु वसः दय्‌कि। उकिं वयात इज्‍जत बी अले बांलाकी।

प्रस्‍थान 29:21

अले वेदीइ च्‍वंगु हि व अभिषेकया भतिचा चिकं कयाः हारून व वया वसतय् अले वया काय्‌पिं व इमिगु वसतय् नं छ्वाकाब्‍यु। थथे हारून, वया काय्‌पिं व इमिगु वसः शुद्ध जुइ।

प्रस्‍थान 30:30

“हारून व वया काय्‌पिन्‍त अभिषेक यानाः पवित्र या। इमिसं पुजाहारी जुयाः जिगु सेवा यायेमाः।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

लेवी 7:35

गुखुन्‍हु हारून व वया काय्‌पिं पुजाहारी पदय् अभिषेक जुयाः परमप्रभुया न्‍ह्यःने सेवाया निंतिं दनी, उखुन्‍हुनिसें परमप्रभुया निंतिं विशेष देछाया ब्‍व इमिगु खः।

लेवी 7:36

गुखुन्‍हु इपिं अभिषेक जुल उखुन्‍हु हे परमप्रभुं इस्राएली मनूतय्‌सं इमित थ्‍व भाग बी धकाः उजं बियादिल। पुस्‍तौं पुस्‍ताया निंतिं न्‍ह्याबलें थ्‍व इमिगु ब्‍व जुइ।

लेवी 8:12

हानं वं अभिषेक यायेगु चिकं ज्‍वनाः हारूनया छेनय् प्‍वंकाः वयात शुद्ध यायेत अभिषेक यानाबिल।

गन्‍ती 3:3

हारूनया थुपिं काय्‌पिं अभिषेक याःपिं अले पुजाहारी जुयाः ज्‍या यायेत ल्‍यःपिं खः।

हिब्रू 2:11

पवित्र याःम्‍ह व पवित्र यानातःपिं फुक्‍कं छगू हे परिवारयापिं खः। अय्‌जूगुलिं वय्‌कलं पवित्र जूपिं मनूतय्‌त थः किजापिं धकाः धयादीत लज्‍या चायामदी।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ यूहन्‍ना 2:27

अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।