लेवी 8:29 - नेवाः बाइबल

²⁹ परमप्रभुं मोशायात उजं बियादीगु थें हे वं ह्याकुला कयाः संकाबीगु बलिकथं परमप्रभुया न्‍ह्यःने छाल। थ्‍व अर्पण बलियाम्‍ह मिजंम्‍ह फैया ब्‍व मोशायागु हे खः।

लेवी 8:29 ပူးပေါင်းရင်းမြစ်များ

भजनसंग्रहया सफू 99:6

मोशा व हारून वय्‌कःया पुजाहारीत खः, अले वय्‌कःया नां कयाः प्रार्थना याइम्‍ह छम्‍ह शमूएल खः। इमिसं परमप्रभुयात ग्‍वाहालिया निंतिं इनाप यात, अले वय्‌कलं इमित लिसः बियादिल।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।