लेवी 8:23 - नेवाः बाइबल

²³ अले मोशां वयात स्‍यात। वं हि कयाः हारूनया जव न्‍हाय्‌पं फ्‍वलय्, जव ल्‍हाःया बुरा-पतिंचाय् व जव तुतिया बुरा-पतिंचाय् तिकाबिल।

लेवी 8:23 ပူးပေါင်းရင်းမြစ်များ

प्रस्‍थान 29:20

वयात स्‍यानाः भतिचा हि कयाः हारून व वया काय्‌पिनिगु जव जव न्‍हाय्‌पंया ज्‍वालय्, जव जव ल्‍हाःया बुरा-पतिंचाय् व जव जव तुतिया बुरा-पतिंचाय् तिकाब्‍यु। अले हि वेदीया जःखः छ्वाकाब्‍यु।

प्रस्‍थान 29:21

अले वेदीइ च्‍वंगु हि व अभिषेकया भतिचा चिकं कयाः हारून व वया वसतय् अले वया काय्‌पिं व इमिगु वसतय् नं छ्वाकाब्‍यु। थथे हारून, वया काय्‌पिं व इमिगु वसः शुद्ध जुइ।

लेवी 14:14

अले पुजाहारीं दोषबलिया हि भचा कयाः ल्‍वगिया जव न्‍हाय्‌पंया फ्‍वः, जव ल्‍हाःया बुरापतिं व जव तुतिया बुरापतिनय् तिकाबीमाः।

लेवी 14:17

थःगु ल्‍हाःपाय् ल्‍यंगु चिकं भचा पुजाहारीं ल्‍वगिया जव न्‍हाय्‌पंया फ्‍वलय्, जव ल्‍हाःया बुरापतिं व जव तुतिया बुरापतिनय् दोषबलिया हिया द्यःने तिकाबीमाः।

लेवी 14:25

पुजाहारीं चिधिकःम्‍ह भ्‍याःचायात दोषबलिया निंतिं स्‍यानाः दोषबलिया हि भचा कयाः ल्‍वगिया जव न्‍हाय्‌पंया फ्‍वः, जव ल्‍हाःया बुरापतिं व जव तुतिया बुरापतिनय् तिकाबीमाः।

लेवी 14:28

थःगु ल्‍हाःपाय् दुगु चिकं छुं भचा कयाः पुजाहारीं ल्‍वगिया जव न्‍हाय्‌पंया फ्‍वलय्, जव ल्‍हाःया बुरापतिं व जव तुतिया बुरापतिनय् दोषबलिया हिया द्यःने तिकाबीमाः।

लेवी 7:37

थ्‍व हे होमबलि, अन्‍नबलि, पापबलि, दोषबलि, अर्पणबलि व मेलबलिया विधि खः।

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

१ कोरिन्‍थी 1:2

कोरिन्‍थय् च्‍वंगु मण्‍डलीयापिन्‍त ज्‍वजलपा! ख्रीष्‍ट येशूपाखें पवित्र जूपिं परमेश्‍वरया मनू जुइत सःतातःपिं व थाय् थासय् च्‍वंपिं झी प्रभु येशू ख्रीष्‍टयागु नां काइपिं सकसितं

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 6:20

छिपिं मू पुलाः न्‍याना तःपिं खः। अय्‌जूगुलिं छिमिगु म्‍हं परमेश्‍वरयात तःधंकेमाः।

फिलिप्‍पी 1:20

अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

१ थेसलोनिकी 5:22

फुक्‍क कथंयागु मभिंगु खँपाखें तापाक च्‍वँ।

हिब्रू 2:10

सृष्‍टि यानादीम्‍ह व न्‍ह्याकादीम्‍ह परमेश्‍वरं थः मस्‍ततय्‌त मुक्ति बीत थथे थःकाय्‌यात दुःखकष्‍ट सीके बियादीगु पाय्‌छि जू। अले मुक्ति बीम्‍ह वय्‌कः हे जक खः।

हिब्रू 5:8

परमेश्‍वरया काय् जुयाः नं वय्‌कलं थःम्‍हं स्‍यूगु दुःखकष्‍टं यानाः परमेश्‍वरयागु आज्ञा मानय् यायेगु सय्‌कादिल।