लेवी 8:14 - नेवाः बाइबल

¹⁴ अनं लिपा वं पापबलिया द्वहं हल, अले हारून व वया काय्‌पिन्‍सं पापबलिया द्वहंया छेनय् थथःगु ल्‍हाः तल।

लेवी 8:14 ပူးပေါင်းရင်းမြစ်များ

भजनसंग्रहया सफू 66:15

जिं छिगु वेदीइ होमबलिकथं स्‍यल्‍लाःपिं फैत बलि बीहये। अले द्वहं व दुगुया बलि बीहये। सेला

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

इजकिएल 43:19

छिमिसं जिगु न्‍ह्यःने सेवा यायेत वइपिं सादोकया परिवारया लेवीतय् सन्‍तान पुजाहारीतय्‌त शुद्ध जुइगु बलिया निंतिं छम्‍ह द्वहंचा बीमाः, परमप्रभु परमेश्‍वरं धयादी।

इजकिएल 43:20

वयागु भचा हि कयाः इमिसं वेदीया प्‍यपुं नेकुलिइ, च्‍वय्‌यागु चाकःया पेंगुलिं कुन्‍चात व उकिया प्‍यखेरं तयाबीमा। थुकथं छिमिसं वेदी शुद्ध याइ, वयागु निंतिं प्रायश्‍चित याइ।

इजकिएल 44:27

पवित्र थासय् सेवा यायेत पवित्रगु थाय्‌या दुनेया चुकय् दुहां वनेगु दिं वं थःगु निंतिं शुद्ध जुइगु बलि छायेमाः। परमप्रभु परमेश्‍वरं धयादी।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 16:6

“अनंलि हारूनं थःगु पापबलिया द्वहं छायेमाः अले थःगु व थः छेँजःया निंतिं प्रायश्‍चित यायेमाः।

लेवी 4:15

खलःया थकालिपिन्‍सं परमप्रभुया न्‍ह्यःने द्वहंयागु छेनय् थथःगु ल्‍हाः तयेमाः, अले व द्वहंयात परमप्रभुया न्‍ह्यःने स्‍यायेमाः।

लेवी 8:2

“छं हारून व वया काय्‌पिं नापं इमिगु वसः, अभिषेक याइगु चिकं, पापबलिया द्वहं, निम्‍ह भ्‍याःचा व सोडा मतःगु मरिया दाला

गन्‍ती 8:12

“अले लेवीतय्‌सं द्वहंतय्‌गु छेनय् थथःगु ल्‍हाः तयेमाः, अले लेवीतय्‌गु निंतिं प्रायश्‍चित यायेत छम्‍ह द्वहंचायात पापबलिकथं व निम्‍हय्‌सित होमबलिकथं छं परमप्रभुयात बलि छायेमाः।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।